遊戲正式開始

「唔得喇！我真係唔得喇！我玩唔落去，一個個無辜嘅人喺我面前咁樣被殺死，我真係接受唔到。啊……啊……放我出去！快啲放我出去呀！神啊，求你拯救我呢個罪人，救我免於兇惡。」鄺神Shirley從座位衝出來，瘋狂的拍打四面牆，試圖找出離開的機關，然而遊戲的主持人傳媒又怎會坐視不理？

「Shirley，你快啲返埋位啦，我哋要開始下一輪遊戲㗎喇。」說這話的不是傳媒，而是柒婆Vanlee︰「你同我哋都好清楚，想走只有贏，只有活下去先唔會辜負佢哋嘅犧牲。嚟喇，快啲返嚟，我哋一齊贏咗隻Game。」

雖然Shirley心不甘情不願，但她心底其實很清楚獲勝才能活命的規則，所以當她的情緒發洩過後，還是心有不忿地回到自己的座位上。

「唔該哂Vanlee維持秩序，等大家可以繼續下一輪遊戲。」傳媒說罷，參加者的眼罩又再關上了。

「二零一九年六月十七日，香港人經歷咗一次前所未有嘅團結──『大三罷』。香港各方面均陷入半停止，甚至完全停止狀態，令到世人終於知道香港人唔係垃圾，亦都嚇到成個政府鼻哥窿都無肉。呢一晚，香港人似乎揾到對抗嘅方法。」

「其中一位鼻哥窿都無肉嘅當事人柒婆，又到你出場做嘢喇。」Vanlee眼罩打開後，很迅速的指著誠哥Andy，皆因Vanlee完全接受不到Andy那套大愛的說法。

「喂，大家，我真係覺得我哋太靜喇，」Vanlee不理傳媒，自顧自的開口說話︰「Killer呢隻Game咁著重資訊交流，而偏偏我哋只係得十五分鐘去傾，你哋覺得夠咩？真正嘅Killer係無時無刻都開口傾偈講嘢，唔係好似我哋玩到咁靜，呢啲時間都係我哋揾同伴同辦別敵人嘅最好時機。」

「Andy係誠哥。」傳媒告訴Vanlee，而同時，密室的死寂最終都是被打破。

「我Buy你。」一哥阿Tim說。

「起底組，今晚想Check邊個？」傳媒問，但同一時間，密室內的各人也開始討論起來，聲音差點蓋過MC傳媒。

起底組阿Moon還在猶疑之際，Vanlee又再次開腔︰「我決定同大家坦白，我手上嘅卡係G鋒。」

起底組指著Vanlee，傳媒坦白的告訴阿Moon︰「佢係柒婆。」

「Bingo，中大獎。」阿Moon暗喜︰「不過應該點樣講大家先會信呢？」

「癱瘓香港經濟，又組織暴動，僭建驊，你會點揀？」傳媒繼續他的工作，沒有被其他參加者的說話影響。

此時，一向少發言的Jasmine也插話︰「我都同大家講清楚，我係鄺神，之前一直唔用技能，係因為我仲觀察緊，我想100%肯定救啱人先用，我對死咗嘅你哋唔住，但係要原諒我，我為咗大局著想Only。」

僭建驊偉傑環視了在坐各人，其他人的說話他完全聽不到，唯獨Jasmine的一席話卻像如雷貫耳，深深的刻在他腦內，因此最終選了Jasmine，真正身份是PPRP。

「咁多人聚集，執法人員都好頭痕，一於殺一儆百，捉返一個返新屋嶺慢慢玩。」傳媒帶點邪念的說完，PoPo跟一哥的眼罩開了，這次很一致的選擇了鄺神Shirley，畢竟這是她自己要求的，不能怪人。

「鄺神，今次你又喺現場，究竟會唔會挺身而出呢？」接著傳媒透過眼罩說︰「今次你係被害人，用唔用技能隨你喇。」其實這麼一說的確是畫蛇添足，任何人知自己將要遇害，都必定會盡力自救，何況這次她自己有能力左右自己的生與死呢！

Shirley點頭示意要使用技能，但畢竟最後救不救都是取決於醫護Harry，所以她只是盡力而為。

其他的人依然不停在吹噓自己的假身份和見解，但Shirley一句都聽不進去，因為她的一條腿已經踏進了鬼門關。

「醫護呀醫護，今次雖然三罷，但你依然堅守崗位，絕對值得尊敬，終於鄺神有指示畀你去救人，究竟你救唔救呢？」傳媒經小丑喇叭說完後，便在眼罩跟他說這次要救的是Shirley。

醫護Harry陷入了思想風暴──才怪，作為只求自身生存的人，他又怎會把救命技能用在他人身上？所以Harry的答案是︰「唔救。」

同時，Andy又提出尋找共通點的說法︰「大家，不如唔好只係喺度鳩吹亂噏講自己身份，傻嘅先信你哋，倒不如善用而家可以傾偈嘅時間，快啲揾埋我哋嘅共通點，一齊做低個幕後黑手喇！」這次贊成的人多了，但仍不足夠營成大多數。

「岳義士，你又一次可以拯救其他人條命，究竟會唔會攬佢上身幫佢擋刀呢？」小丑喇叭說完後，傳媒再一次透過眼罩跟岳義士LU說這次要救的人是Shirley。

「Shirley我好肯定係黃營人，根據而家情況，救佢絕對係好選擇，但係……佢係咪真係值得我用？」LU面臨著艱難的抉擇。

「我已經知道邊個係一哥！」突然，LU想起Shirley說過的這句話。

「Shirley，你真係知一哥係邊個？」LU大聲問。

「無錯。」Shirley斬釘截鐵的說。

「好，我決定救佢。」LU點頭示意，傳媒看到後便宣布︰「岳義士英勇救人，犧牲自己，救到人同時都降級為黃絲，呢啲先係真正嘅情操高尚。」

「今晚嘅拘捕行動因為岳義士嘅出現而唔成功，PPRP又喺時候要出嚟解畫，究竟自己孭鑊幫人擋刀，定係扮無知搬弄是非呢？」傳媒的說話隱隱約約有點弦外之音。

PPRP Jasmine依然維持一貫作風，選擇保護一哥。

「難捱嘅『大三罷』終於完咗，雖然無人被殺，但係被告嘅人依然係有，就係Jasmine你喇；另外感染武肺嘅第一人亦都醫唔返，喺今日正式離開我哋，PoPo Fanny英勇殉職，但係浩園未有位，所以喺呢度葬咗先。」話音剛落，Fanny頭殼已經開了數個洞，鮮血飛灑。

「雖然有人因為武肺而死，但呢個只係開始，因為武肺已經開始傳播，大家小心，唔好成為下一個感染群組呀，哈哈哈……跟住落嚟嘅十五分鐘就交畀你哋喇。」伴隨著傳媒的奸笑聲，十五分鐘的討論時間正式開始。