我叫Nick，Michelle 是我的朋友，她除了做事有時太失魂之外，基本上也頗討人喜愛的。
我經常笑她如在夢中，她辯駁說她這種叫「扮豬食老虎」。她沒有太大的缺點，但偏偏做錯了一件事。
愛上我的老友Vincent 。

我們三人相識於中學時期，Michelle並非屬於大美人那種，論身材甚至長期處於小學雞狀態。而我和Vincent也是南北兩極的人，他愛玩樂怕悶被一大班人團團圍着，但我卻獨愛站在圓圈的外面，身邊太多人會使我精神緊張。但緣份這回事，難以說明，眾多朋友當中，偏偏只有我們三人能夠能夠互相吸引，成為談得來的好朋友。

那一年的除夕夜，我們三人約好到長洲倒數，但我發高燒留在家，做就了他倆一段情侶關係的開始。

我們一同進入大學，他倆仍然是一對，我一直是他們這段愛情路上的旁觀者。
「你唔好呃我，佢係咪同嗰個Irene一齊？」大一那年，她懷疑Vincent與讀Art的一個女孩有曖昧，哭腫雙眼在學校Canteen問我。
「妳唔好亂諗啦！佢唔會嘅！」我心裏肯定他和Irene已經上床。
「連你都呃我⋯⋯」她的情況，惹來半個Canteen的人以「你個賤人」的眼光射向我。

「好啦好啦⋯我即刻叫佢揾妳，Ok?」我已厭倦為他處理後事。
「嗱！你話架！你要負責任呀！」今次整個Canteen連廚房內的肥強都怒視我。
類似這樣的事，差不多每個月至少發生一次，Michelle每次都會找我，我每次也替Vincent 說盡好話，因為只有這樣，我才能耳根清靜。

「就係因為咁？」有一次，我女朋友France問我：「就係純粹因為唔想佢地鬧交？」
「妳以為仲有咩？」我視線離開電腦問她。
「我覺得你係唔想Michelle唔開心。」
很快，France向我提出分手。

這夜，Vincent的電話轉到留言信箱，Michelle找了他一天，結果還是找到我。

我見到她時，她一頭凌亂長髮坐在石級上，其中一隻高跟鞋的綁帶斷了，旁邊有些空酒瓶。
「仲乜飲咁多？我送妳返屋企啦！」我伸手扶起她，見她眼眶浸滿淚水，兩頰酒後緋紅，我倆相距不足一呎，她望著我問：「我同Vincent係咪根本就唔夾？」
「妳醉啦！」
「如果我愛嗰個係你，我諗我會幸福好多。」
她的說話如這夜冷風，呼呼吹來，令我心有一股莫名刺痛。
完。