總攻•暴大
隨著餘下三位的參加者，勝負也快將分出，眾人心中也清楚，這次是最後一輪的遊戲。
「目前嚟講，都係跟住我嘅劇本進行，如無意外今Round之後，我就係唯一勝利者。雖然唔知藍集團點解捉我哋嚟，但贏咗應該有著數，我要獨吞。」阿瑩心裡想著想著，不自覺的嘴角上揚，幸好其他人的眼罩都關上，看不到這一幕，否則便引人懷疑。
「你老味，搞到咁麻煩，好彩而家二對一，主導權仲要喺我手，朱Ling你條仆街點都要輸，而我就笑住咁走出哩個門口，我要殺死朱Ling哩條仆街！」阿Tim先是咬牙切齒，之後便奸笑起來。
「今次阿Tim條友實隊我，我點都要死，不過佢都一樣，最後阿瑩會贏會無事，都好，哩啲情況之下，始終都係保住老弱婦孺，犧牲男人，睇戲嘅定律，最少唔駛畀人話我貪生怕死先。」朱Ling預見到接著發生的事，只好苦笑安慰自己。
「Well well well，」傳媒終於開口，藍燈即時亮起︰「今次遊戲終於都到尾聲，雖然好唔捨得，不過今Round應該係Last。」
小丑喇叭傳來啜泣及擤鼻涕的聲音，一會後，小丑的嘴巴再度開合︰「唔好意思，一時感觸。咳咳，二零一九年十一月十二日，罪惡温床嘅暴大終於被正義之師警察進攻，黃絲暴徒負隅頑抗，仲軟禁內地學生做人質，但喺一哥周密部署之下，最終喺二零一九年十一月十三日成功營救人質，攻陷暴大。一石激起千重浪，二零一九年十一月十七日，黃絲暴徒失守暴大後，退守理大，史稱『圍攻理工』，最後喺精明嘅一哥調度之下，理工一役都大獲全勝。不過『贏咗場交，輸咗個家』，警隊雖然獲勝，但就喚起咗更加多有良知嘅沉默大多數，誰勝誰負，未到最後都無人知。」
「一哥，你做咁多嘢為香港好，到頭來竟然換嚟千古罵名，公平咩？G鋒，作為抗爭領頭羊，面對哩次損兵折將嘅重大失利，究竟仲可以點重整旗鼓、捲土重來呢？The last game，而家開始。」傳媒在最後的這一次遊戲特別隆重其事，氣氛令餘下的三人也緊張起來。
「一哥，對於啲人無理指責，係又屌唔係又屌，你有咩回應呢？」傳媒問。
阿Tim的眼罩徐徐打開，他心入面已經有人選──朱Ling，這個不斷跟他針鋒相對，他恨不得快點解決的人，憑藉最後的這次機會，他二話不說的想盡快解決他以活著離開。但，阿Tim突然笑了，由抽搐般的忍笑，到詭異的大笑，到最後開懷的狂笑，無人知他為什麼會有這樣的表現，是因為很快便會得到勝利可以離開死亡地獄，抑或是被逼得發瘋？
這一笑，持續了數分鐘，而這笑聲也停得很突然，前一秒還是失聲狂笑，下一秒已經一臉認真，指著最後的犧牲者，變臉之快好比國粹。
「係咪已經揀好，最後決定係佢？」傳媒再三確認，而阿Tim也緩慢而有力的點了一下頭，這感覺特別凝重。點頭之後，他的眼罩也再度關上。
「好喇，最後一Round，喺今次暴大同理大事件入面，一哥已經揪出幕後主使人，亦都已經對佢處以極刑，大家可以開眼。」最後的這次開眼，眾人明顯都已經有了心理準備。阿瑩自信的看著朱Ling，眼裡帶點憐憫；朱Ling憂心忡忡，目光投向阿瑩，用眼神傳遞「你要好好生存，將藍集團嘅惡行公諸於世」這一訊息；阿Tim則倚著椅背，眼望天花板，呼了一口氣，如釋重負，小聲的吐了一句髒話︰「屌你老母。」然後又苦笑。
「今次一哥殺嘅人係……」傳媒未說出人名，但朱Ling已經緊閉雙眼低著頭，彷彿知道自己是被選中的人，相比之下，阿瑩則以高高在上的目光鄙視著朱Ling這棄子，因為一切都在她掌握之中，她為自己精心部署的計劃以及精湛的演技而心裡暗自竊喜。
「中立撚阿瑩！」傳媒高聲朗讀最後被殺者的名字。
「咩話？點解會咁？」此話同時在朱Ling和阿瑩的口中說出。
朱Ling由悲轉喜，雖然完全摸不著頭腦，但不用死便是最好的結局。
相反，阿瑩的心情像極過山車，由天堂直墮地獄，發了瘋的狂叫︰「點解？點解係我？無可能㗎！傳媒，係咪你亂噏？死嘅一定係朱Ling而唔係我，明明我做咗咁多嘢去扮藍，上中下路完全無破綻，阿Tim點會最後係殺我，而唔係殺一直都敵對嘅朱Ling？你答我，你答我呀！」
「中立撚阿瑩，你嘅問題我答你唔到，不過你都仲有指出一哥嘅機會，請你指出你認為係一哥嘅人。」傳媒冷冷的說，配合著藍燈，感覺更冷酷無情。
阿瑩一直在歇斯底里，完全沒有要指出一哥是誰的意思，或許是拖延自己死的時間，或者是單純的不甘心。
此時，阿Tim終於忍不住開腔︰「我諗到而家哩個地步，我哋大家都已經知大家身份，根本唔撚駛再隱瞞。無錯，阿叔我就係一哥！本身喺揀最後殺邊個之前，我都係想殺朱Ling，即係G鋒，佢一直針尻我，真係好撚乞尻我憎。雖然我真係好撚想咁樣做，但好彩我仲有啲啲理智，未完全被怒氣衝昏頭腦，阿叔我腦入面仲有啲機能運作緊，而運作緊嘅部份就咁啱幫我分析咗過往回合嘅發展，特別係啱啱高軒臨死前個『唔』字，最後我得出一個結論，比起成日針尻我嘅人，阿叔我更加憎玩尻我、當我戇鳩嘅人！即係你呀死臭閪阿瑩！」
「仆你個街，你真係好事多磨，好地地跟我劇本行咪幾好，點解要改劇本啫？早知你鍾意加戲，我應該一早賜死你。你要為你做嘅事負責！」阿瑩怒髮衝冠。
「死？由阿叔我發現你係黃營嗰刻已經預咗，反而係你條臭閪，你知唔知點解阿叔我會識穿你唔係藍營？」阿Tim已經做好要跟她同歸於盡的準備。
「本身阿叔我都一直信你個臭閪係藍營，不過轉捩點係啱啱二對一嘅投票度。高軒雖然係正義撚，而且最後畀朱Ling講到都好似有啲動搖，不過我知佢係想活命，加上佢係醒目仔，點會唔知隊我佢自己會死哩個咁撚簡單嘅道理？如果真係有白警，唔介意自己乜都無哂，哩個世界就唔會有咁多警暴。再加上個投票結果一出，你就好似準備好哂啲台詞咁，一輪嘴講哂出嚟，太有預謀，太完美，傻嘅都知你有古怪。綜合哩兩點，就足以證明你係黃扮藍！」阿Tim就像推理小說最後的推理一樣，把結局推向高潮，揪出一直隱藏在背後的大奸角。
而朱Ling完全不知應該說些什麼，只安靜的坐在一邊吃花生。
「中立撚阿瑩，你都拖咗好耐，請你指出要指控嘅對象。」傳媒說。
阿瑩狠狠的指著阿Tim，而阿Tim也一早預料到。
「黃泉路上有你陪我真係好，哈哈。唔好走咁快，我遲你一陣就嚟揾你。」阿Tim對著阿瑩說，而阿瑩也在選了阿Tim後，被針刑了結了。
「由於得返一個人可以投票，都無討論嘅需要。朱Ling，請你投票。」傳媒說完，燈便由藍轉紅。
「對唔住，阿Tim，多謝你最後無殺我，雖然我都想報恩唔投你，不過遊戲機制，我無得唔揀你。」朱Ling含淚告別。
「你咪撚誤會，阿叔我都好撚憎你，好撚想殺你，只係條臭閪更加乞我憎，所以我殺佢先咁解，你畀我今Round死唔去，下Round我都會殺你。」阿Tim依然對朱Ling咬牙切齒，但這是因為想朱Ling狠下心腸，還是真的如此恨他，就只有他本人知道。
「好，投票結束，有結果嘅同時，亦都意味住今次遊戲嘅勝利者已經誕生！」傳媒高興的宣布︰「一哥阿Tim，多謝你一直以嚟出色嘅表現，再見。」傳媒冷冷的一聲「再見」，阿Tim的鮮血便由頭腦中的數個孔洞噴出，而他人也軟攤在地上，抽搐著身體。
「今次遊戲嘅勝利者，G鋒朱Ling，恭喜你，你可以打直咁行返出哩間房。」傳媒語畢，眼罩便鬆脫，而一直緊鎖的大門，也傳來開鎖的聲音。
