話說琴日就係平安夜，小弟無聊冇野做，咁岩呢個時候我朋友whatsapp我，

朋友：喂，出唔出去tst？
我：唔係使女陪咩你？
朋友：唉 唔好提住 出黎先啦
我：哦 好呀

交代完係邊到等之後，我搵埋另一個frd就換衫出發。
出到tst之後，人山人海，周圍都係遊客同情侶，總之就一大班人啦。然後我就出錯出口…最後行左半個鐘先搵到我個frd。

好喇我地入正題，呢篇文最主要其實係想搵人。

我同個朋友行完海旁，出番黎大馬路剛剛好12點，準備大叫一聲聖誕節快樂搞下事，就係呢個時候，有兩位少女揸住一朵花行埋黎…

少女A：你好呀！可唔可以幫我地買埋呢朵花呀？係最後一朵黎架！
我，朋友s：Errrr…
（我諗係正常反應黎既…）
我：喂，有冇錢呀你。

朋友s：我冇呀…
我：（轉向兩名少女）係呢你地朵花幾多錢呀？
少女B：50蚊。
我：嗯…咁你覺得，我買完朵花你送比你好唔好呀？
少女A&B：下！？（露出驚訝既表情）
我：就咁，我有心幫你買既，不過就肯定唔係送比呢兩條麻甩佬啦…
少女笑左起黎，笑得好甜，點知兩條死仔突然跑狗
朋友s：唔阻你喇XXX（爆埋我全名）
我：你見啦…咁你會唔會收左我朵花呀？
少女B：嗯，好呀！
之後我就從銀包淘出50蚊，結果我弱智，攞左張紫色既50蚊同兩張20蚊（入黑真係好易認錯），最後都係比左100蚊就算。
臨走前，少女B張開手，向我靠近，講左一句"Merry Christmas"並示意擁抱，講真，有d感動，當然我都要以擁抱回敬，最後與二人擁抱後就慢慢離去。

今日，我後悔喇，我後悔冇親口講一句多謝，我後悔我冇勇氣作出進一步既對話，我後悔比呢個機會白白流走，我，好後悔。

藉助網絡強大既力量，我希望可以搵番呢兩個女仔：
少女A，164cm左右，紮辮，帶眼鏡，身穿藍色羽絨，深藍色牛仔褲。
少女B，都係164cm左右，長髮冇紮辮，冇眼鏡，黑色長袖衫同黑色短褲。
相遇地點：文化中心對出馬路向左行10米左右
相遇時間：2016-12-25 12:04分左右

如果你係其中一個人，又或者你可能識得佢地，可唔可以留言比我知道，或者pm比我，share出去都可以，等我可以再搵番佢地。
因為我唔想再錯失任何機會，我錯過既已經太多。

God Blessed