《男方視覺》
今日喺旺角商務有一個簽名會。係網絡小紅人「失敗的實驗品」同埋「人性面具」既簽名會。我比左成舊水比我既好巴打幫我去排隊攞簽名，點知佢重色輕友，因為要約女朋友仔，所以就冇嚟到，結束前一小時先同我講。佢聽日死硬。

用左成個鐘，問路、搭車...由灣仔出發，終於都喺結束前一分鐘到左，及時攞簽名。真係好彩。仲同左佢地兩個影相。

佢哋走左，而我都坐左喺佢地張凳到休息。坐左冇幾耐，見到一個女仔跑左過嚟。
「簽名會完左嗱？」佢問我。
「係ar...」
「唉呀！趕唔切！睇嚟又要再等多一排」

我想幫佢，不過唔知點樣幫佢。

「你好鍾意佢地？」我問
「係呀，我好耐之前就喺網上面追佢哋嘅文㗎啦…」個女仔露出可憐楚楚嘅眼神

我攞出嗰本有兩個作者簽名既書，喺首頁寫左八個數字同我個名，希望佢get到嗰八個數字係我電話號碼。

「我俾你呀，反正你會比我更加鍾意呢本書」

我比左本書比佢。佢好開心咁接過嗰本書，喺佢接本書嘅一刻，我掂佢隻手，然後佢就紅都臉曬，低著頭講咗句多謝就急步咁走咗。
宜家，只有等待，等佢發現電話號碼......

《女方視覺》

我期待半年嘅簽書終於都嚟到喇，但係今日因為學校嘅事，我竟然趕唔切去。去到會場佢哋已經走曬啦，去到只係見到一個同我差唔多大嘅男仔坐喺凳上面。

佢將佢嗰本書送咗俾我，真係好多謝佢，我應該要揾日約佢出嚟，回返禮俾佢。

上咗52x搭車返屋企，我一坐低就揭開本書。望住嗰兩個用鋼筆簽嘅潦草簽名，彷彿可以感受得到兩位作家用手壓著紙張嘅體温，鋼筆喺紙上遊走後所留下未乾嘅墨水。

我閉上雙眼，用手撫摸兩個筆跡，凹凸不平嘅簽名，寫住無數嘅努力同拼博。

原來簽名下方一個一連串嘅數字同一個名，呢D字都係由鉛筆淺淺寫下。

「9524……簡智…簡智咩呢?」D字過於潦草令到我睇唔到最後一個字。

睇到呢度，我忍唔住笑咗出嚟，簡智障XD
我用手機輸入佢嘅電話，set聯絡人做簡智障，然後就開始猶豫應唔應該whatsapp佢。

佢係個陌生人，但係佢送咗本書俾我喎~

睇佢個樣應該都唔會係D咩危險人物，不過我唔識佢…

但係人哋俾咗簽名書我，我係應該要送返D野俾佢呢？

我應該送返本一模一樣但無簽名嘅書俾佢？定點呢？

幾經猶豫，我終於打開whatsapp 嘅介面，無視幾段假惺惺嘅訊息，按下搜尋嘅放大鏡按鈕，揾到佢

一個以日落做頭像嘅人。

《hi，簡先生》
《我叫希雯呀～多謝你俾本書我呀！不勝感激{合笑emoji}》
《我揾日會俾返本書你㗎啦~{合手emoji}》
【呃…你唔使俾返我㗎啦你keep住呀希雯】
《但係…》
【如果你想回禮就俾你嗰本書我啦！我嗰本你keep住就得㗎啦】
【同埋呢～我叫簡智朗呀，唔好叫我先生啦！好奇怪{笑喊emogi}】

好難得可以揾到一個會願意主動同我傾計嘅人，一個唔會厭棄我嘅人，如果所有人都好似佢咁咪好囉。

一時感觸，失控嘅淚水填滿眼眶，喺飛馳嘅街燈光照耀下反光，如珠寶一樣美麗，卻被一個缺陷多多嘅主人戴上，那麼違和。

我拭去點點淚水，低下頭繼續回覆佢嘅訊息，出現咗一絲由衷珍貴嘅笑容，連其主人都無發現到。