天氣開始轉涼，根據非正式調查，社會上有部分人士開始出現失眠，焦慮，煩躁等症狀。
點解？
事關呢班人都係儲水式熱水爐用家。
當沖緊熱騰騰熱水嘅時候，要無時無刻擔心住下一刻仲有無熱水；
當洗頭洗到成頭都係泡嘅時候，要擔心無唔會唔夠熱水沖走啲泡；
當全身放鬆享受熱水浴嘅暢快時，要忍受凍水突襲你嘅可能性。
你都咪話唔煎熬……
但係，天將降大任於斯人也，必先勞其筋骨，苦其心智，賜其凍水。
當你捱過左呢一關，人生已經無咩野難到你。
因為，用儲水式熱水爐沖涼嘅過程中，會鍛鍊出你種種過人特質。
首先，用沐浴露搓身、用洗頭水洗頭要快，鍛鍊出一身工作效率。
其次，用熱水沖乾淨嘅時候唔可以留戀剎那間嘅快感同舒適，要拿拿林做下一樣野，從而鍛鍊出堅毅心智。
要知道，好多人沖涼唔只剩係沖身洗頭咁簡單，刷牙洗面一拼做埋係無可避免。
點樣先可以其大程度享受熱水，同時係有限時間之內完成以上種種時情，鍛鍊出multi-tasking嘅能力。
此外，仲要時刻戒備住下一刻凍水襲來，鍛鍊出危機處理能力同埋堅強心智。
咁你話喇，捱得過係成個冬天用儲水式熱水爐沖涼，仲有咩野難到你？
一個簡簡單單嘅儲水式熱水爐，代表住自己嘅磨練，代表住自己不屈不撓嘅精神，係一個對自己認可嘅象徵！！！
所以，今個冬天，你唔係唔換左佢下話？
．
．
．
．
．
利申：煤氣爐用家。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
