你。
有冇曾經諗過可以回到過去或者穿越未來？
你。
有冇曾經試過用唔同方法令自己靈魂出竅？
你。
有冇曾經望住個天或者同啲星星許願？

而我•••

由我細細個已經有啲咁嘅想法，亦都做過好多唔同嘅試驗。

好似每次有啲唔如意嘅事發生，我都會好想可以將嗰件事或者時間可以返番轉頭。

就好似我試過不斷喺公園來來回回咁用我最高速度跑來跑去，希望可以越嚟越快產生蟲洞。

又試過上網睇好多人用唔同嘅方法，嘗試點樣靈魂出竅。當然係唔成功。仲差啲暈低咗。

我仲試過去唔同嘅山頂，向星星許願，甚至祈求可以見到UFO，將我帶走。

但當人越大，發現好多嘢都唔可以返番轉頭，但係未來嘅嘢係可以由自己去改變。不如去改變自己唔好再諗咁多天馬行空嘅嘢。

其實「心相」，係一個「想」字。
意思係可以用眼睛同心去感受自己想做既事， 思考清楚並冷靜去決策，未來就可以做到你想做嘅事。
希望所有人可以努力並正面地面對及享受未來屬於自己嘅人生。