香港人,能面對朱凱迪嗎?

朱凱迪,相信大家對於呢個名都唔陌生,新界西票王,主張「民主自治」嘅參選人,只要查一查資料,就可以知道,反對清拆皇后碼頭,反高鐵運動,菜園村關注組,通通有佢份,夠哂

「anti-social」。當我地事過境遷,後知後覺咁發現原來曾經發生嘅事情有幾重要,係幾咁值得我地去捍衛既時候,一早已經有人企喺事後現場去做事,低調既做事手法,講真,根

本吃力不討好,邊似啲議員,用把口講幾句就精神勝利咗,取得階段性勝利,成功為市民爭取......成班都係棍,諗起都把鬼火,不過今日老老實實,我想問既係,香港人準備好面對朱凱

迪未?

「在黑暗中行走的百姓看見了大光，住在死蔭之地的人有光照耀他們。」-以賽亞書 9:2

放心各位,今日唔係想同大家傳道,而係想同大家分享一份喜悅,一份真理(...?)喂等等,唔好咁快禁上一頁住,點解我要引用呢段經文呢?係因為上帝應許...(?!)好啦好啦,其實係

因為香港人就好似一班喺黑暗中行走既人咁,為公義發聲?唉唔好講咁多事,安安穩穩最緊要,俾人政治迫害?一早叫咗你唔好搞咁多嘢,無錯,就係見到少少光都嫌劖眼(特別鳴謝

google 大神)有時候,仲會叫你唔好再拎住啲光照住佢地,喂,你估社會上好似毓民,朱凱迪識得自體發光既人,佢有得揀唔發光咩?喺一個咁漆黑既環境,就算係幾微弱既光線,都
會特別顯眼,與其怪人劖緊你,不如自己及早正視問題,以下網站可能對你有幫助。

(非賣廣告,無利益輸送)

廢話唔多講,除左因為香港人的民智較低之外,

(被打臉,啪!)(戴定頭盔先,我所講既民智係人民對於政治,行使公民權利以及監察政府方面既應對能力)

亦都係因為香港人唔習慣犧牲呢一種舉動,港人由細到大,已經要樣樣爭做第一,禮讓?最多咪做比其他人睇下(喂作者你唔好咁偏頗好啵,唔係嗰嗰香港人都係咁功利主義)我都

知香港亦有唔少人為左追求理想同埋公義,犧牲咗好多嘢,但係,你又唔可以否認大眾既意識的確係自我遠遠高於群體(?)換句話嚟講,自私既人佔香港社會大多數,犧牲?做人唔

好咁理想主義啦,最後咪又係自己蝕底?再加上香港人好鐘意睇住人地死,事後仲要不時諷刺一番,咁樣先顯得自己有幾咁「獨醒」,慳啲啦baby,

"A critic is a man who knows the way but can't drive the car."

所以話,當犧牲出現時,香港人大多數只係識一邊食住人血饅頭,一邊以事件作為飯後既殘渣咁去吹水。

但當我得知朱凱迪人身安全受威脅時,我腦海中不期然咁諗起兩個歷史人物,一個係聖雄甘地,另一個係Martin Luther King, Jr.(馬丁路德金),歷史中既佼佼者,永遠被世界尊敬

既人。我無意吹捧任何人,只係,香港開始有人會因為公義方面受迫害,或者一直都有,不過朱凱迪喺近日來浮出水面,所以我諗我可以咁講,朱凱迪,犧牲咗自己,仲有家人既安全,

香港人,可以點樣去回報,或者,去支援佢地呢?如果政府公眾人物再次對今次既事件避而不談,換言之去縱容呢一類事件,我諗,香港人係唔係應該去作出回應,無論係對政府,定係

對某種勢力,同佢地講,有啲野,我地仍然在乎,香港人,你準備好未?

We shall never give up,til the light blooming,not yet.

香港人,能面對朱凱迪嗎?
一個缺乏犧牲精神的地方,當有人犧牲時,人們會有什麼反應?