臨近中秋,人月兩團圓之際,除左食月餅之外(咩皮都好啦),相信唔少人都會選擇出街同朋友玩,又或者聚聚,傾下計咁,再唔係既,留喺屋企睇其他人直播既,都係唔錯既選擇,但
係,你又會唔會覺得因為節日既關係,所以需要用額外既裝飾,例如螢光棒,從而增添節日氣氛呢?是咁的,我有一個故仔想同大家講下。
從前有個小朋友,佢好鐘意中秋節,除左因為可以吃月餅,玩燈籠之外,最緊要既係,佢可以玩螢光棒,點解佢會咁鐘意玩螢光棒?一陣你就會知道。每逄中秋節,佢都會叫埋朋友
仔一齊落街玩,大家拎住個燈籠仔,揈黎揈去,都咪話唔得意,有一次,佢地見到周地都係螢光棒,再望望周圍既人,似乎都冇人想拎返起啲螢光棒,於是大膽既小朋友就逐支逐支咁
汁起身,而其他小朋友你眼望我眼,最終都一齊加入去汁螢光棒,佢地汁啊汁,雖然已經汁左好耐,但係因為數量太多既關係,佢地汁唔哂啲螢光棒,於是大家就抱住成堆螢光棒,行
埋去一個角落到,跟住佢地發現,成個角落都充滿螢光棒既亮度,簡直可以用劖眼黎形容,跟住佢地就渡過左一個好愉快既晚上,不過小朋友之後返到屋企,見到周圍除左垃圾之外,
仲有一支支已經黯淡無光既螢光棒,有啲仲折開左,液體發出難閒既氣味,但係小朋友佢無得揀,因為呢到就係佢既屋企,前年,小朋友既阿媽因為吸入過多螢光棒既有毒物質,急性
器官衰竭身亡,小朋友望住阿媽幅相,眼淚忍唔住湧下來「媽咪,今年中秋好好玩啊,我又汁到好多螢光棒啦,拿,呢啲送比你!」小朋友從殘破的褲袋中拿出三支尚在發亮的螢光
棒,緩緩地放在相片前,抹乾眼淚,轉身繼續完成自己的工作。
