第一章

「喂，阿強，係度搞咩呀？」阿良拍了拍阿強的肩膊。

「阿良，係度仲有咩搞呀，梗係煲煙啦！你要唔要呀？」阿強把一包紅雙喜遞給阿良。

「哇，屌你，紅雙喜！我唔食大陸煙架，唔好搞我，我食返紅萬算啦！」阿良從褲袋拿出一包印有「吸菸可引致陽萎」的紅萬，開始吞雲吐霧起來。

就在他們不斷呼吸著「新鮮空氣」之際，只見一大群人在兩隻石像議論紛紛，像在討論著甚麼似的。

「果邊搞咩呀？咁鬼多人嘅？全部都係新生嚟喎，喂，阿強你睇，果個女仔幾靚喎！」阿良指著那群人說。

「有靚女好出奇咩？唔好成隻狗公咁啦。呢班新生嚟架，應該又係果啲咩新生導賞團啩！」阿強由於已經有女朋友，所以裝出一副不在乎的樣子，結果眼睛還不是偷看了那女孩一眼。

「又係呢啲導賞團？呢兩隻石獅子有咩咁值得介紹呀。」阿良不屑地說。

「屌你，你係咪喺度讀書架！呢兩隻唔係石獅子，係四不像囉好唔好。傳聞喺城大讀書嘅，掂過呢兩隻嘢嘅，全部都畢唔到業架！」阿強說。

「呢單嘢我梗係聽過啦，九成又係啲畢唔到業果啲人作出嚟嚇我地！我就真係未驚過啦，莫過話掂佢啦，走上去策騎佢都仲得呀！」

「你去掂下都好嘅，反正以你嘅成績，我睇你都好難畢到業架啦。你去掂下，睇下有無奇績出現。」阿強笑著說。

「你仆街啦！今晚等到無乜人果陣，我就落嚟策騎佢，你落嚟幫我拍片，廢事你話我吹水！」阿良說。

「落嚟咪落嚟，反正宿舍落嚟好快者，你唔好到時淆底就得啦！」

阿強和阿良就這樣在四不像旁邊打鬧著，但突然間，那群在圍觀著四不像的新生尖叫起來。

「搞咩呀佢地？」阿良和阿強走向那些人。

只見那群新生變得一片混亂，其中的兩三個女生更坐在地上痛哭著。
「大家冷靜啲，無事嘅！」一位負責人嘗試安撫著那些新生。

「咦？阿強，你睇果個，係咪Tina呀？」阿良問。
「好似係……唔係好似，直頭係，睇嚟佢負責帶呢班新生喎，依家點呀，阿良？」阿強撞了撞阿良，看來是不太想淌這趟渾水。

就在兩人你推我撞，不知應該就此落跑或是上前協助之際，Tina發現了他們。
「阿強？阿良？啱晒啦，唔該你地過嚟幫下我手啦，啲新生失晒控，得我同Zoe真係搞唔掂！」

阿強和阿良對望了一眼，然後稍為無奈的嘆了口氣後，便上前幫助Tina和Zoe一起安撫這些新生。

新生的情緒稍為穩定下來，他們一行四人把新生送到一間活動室，向負責人交待了剛才發生的情況後，便一起來到Canteen！

「頭先好在你地喺度，如果唔係得我同Zoe真係搞唔掂！呀，係喎，未正式介紹，呢兩個係我同科嘅同學，阿良同阿強。呢位靚女就係同我一齊負責新生導賞團嘅Zoe。」

數人交談了一會，互相認識後便又繼續剛才的話題。
「係喎，頭先其實發生咩事？點解班新生突然失晒控？」阿良好奇的問。

只見Tina和Zoe互相看了一眼，臉上流露出不安的神情。

「喂，阿良！唔好問啦，你睇，搞到人地幾尷尬。」阿強撞了阿良一下，示意別這麼不識趣。

「咩啫，咁我都好奇者，唔問咪唔問囉。」阿良不滿地說。

「呀，唔係咁架，其實講都無問題嘅，不過……」Zoe說的時候仍帶點不安。

「不過咩呀？」阿強和阿良同時說。

「不過係驚你地唔信啫！」Tina替Zoe補充，阿良和阿強則流露出不解的表情。

「你地有無聽過城大四不像嘅傳說？」Tina轉了話題，向阿良和阿強作出詢問。

「有有有！就係頭先煲煙位果兩隻怪獸銅像呀嘛，啲人話咩掂過佢就會畢唔到業呀嘛！」阿良搶著回答，卻被阿強恥笑。

「收皮啦你，唔係我同你講你仲以為果兩隻係石獅子呀懞怲！」

「無錯，呢個傳說基本上讀城大嘅人都會知道。而傳聞四不像嘅影響，只係對城大學生有作用，一般嘅街外人或者其它大學生就算掂到，都唔會受影響！但係，呢個只係城大四不像嘅表面傳聞，實際上，呢個四不像背後，仲有另一個更恐怖嘅傳說……」Tina在說話時，Zoe的表情變得非常不安，看來她真的十分相信那個傳說。

「咁究竟係關於咩先得架？同埋個傳說同今朝單嘢有咩關係呀？」阿良忍不住問。

「關，梗係關事！因為，傳說果兩隻四不像，雖然平時係銅像嘅狀態，但實際上，佢地係活生生嘅生物！果個傳說......係咁嘅……」Tina以陰沉的語氣對他們說，令整個傳說聽起來更加真實。

多謝您睇完第一章
如果想追落去可以去以下的Link：
https://www.shikoto.com/i/EAQ

非常希望大家可以俾個Like我，我會更用心寫下去的
https://www.facebook.com/insidemyheart2015

第二章

雖然城大的創校歷史並不算長，每間學校總有其獨有的傳說。
如中大的辮子姑娘，港大的解剖室醫科生傳說，相信大家亦曾有所耳聞。

那麼，城大到底有甚麼傳聞呢？

其中一個比較多人知曉的，便是3M廁所傳聞，這個廁所雖然是男廁，但卻沒有任何尿兜！

相傳這廁所是由女廁改建而成，據說以前曾有女性於這裏自殺，之後便不斷出現女性目睹該女鬼的事件，最後，只好把女廁改建為男廁，增加陽氣好讓此等鬧鬼事件不再出現。

而另一個較多人熟知的傳聞，便是城大四不像的傳聞。
城大四不像的位置，便是在通往城大的墜道出口後，左右兩旁會有樓梯，向上走便可以看到。

城大的學生應該都會知道，就是那兩隻四不像，在就讀期間是絕不能觸碰的，否則便不能畢業！

這是一般為大眾熟悉的版本，但是，實際上，這兩隻四不像的故事還有另一個版本！

傳聞曾經有兩個學生，小明和陳仔，在深夜喝了酒後，在四不像前打鬧玩樂，兩人甚至分別爬到四不像的背上，裝作策騎耍樂！

他們從四不像背上下來後，陳仔懷疑因為酒後感到暈眩，一時站不住腳摔倒在馬路上，碰巧一輛的士駛來，就這樣撞上了陳仔，令他即時死亡！

事後，警方調查時，小明堅稱，陳仔不是因為站不住腳而摔倒在馬路上。
小明清楚地指出，是因為四不像把陳仔甩開了，導致陳仔摔倒在馬路上，才會被的士撞到。

當然，這番荒謬的說話，是不會被警方接納的！
經過調查後，警方認為這是一宗單純的意外，而死者家屬亦接受了這種說法。

只有小明非常堅持自己的說法，認定陳仔死亡的原因，是由於那兩隻四不像所引致！

而且，在警方進行調查期間，陳仔曾經爬上的四不像上，發現了在四不像的角上，纏著一塊陳仔的衣服，而且還有少量血跡沾在上面。

那感覺，就像四不像曾經用角去撞擊陳仔，才會導致這種事情發生，至少，小明是這樣認為的！

但在警方的立場上，當然認為，只是由於陳仔當時喝醉了，從四不像下來時不小心勾破了衣服。
而血跡亦很好解釋，可能是有傷口或是甚麼的，使四不像沾染到死者的血液。

總之事件就這樣落幕了，大家都很快回到原本的生活。
只有小明，仍堅持陳仔是被四不像所殺。

事件發生後約一星期，小明襯著夜深無人之際，再次來到四不像前。

不知道他用了甚麼方法，弄來很多符咒，桃木劍和道具法器，發了瘋的在四不像前施法。
然後，他瘋狂的用桃木劍和其它法器敲打那四不像。

過程到底是怎樣？時間又持續了多久？這些都沒有人可以回答了，因為，就在翌日，小明被發現倒斃在四不像前，而在他四周，那些符咒和法器零零碎碎的散落在地上。

警方調查過後，認定小明是由於陳仔死亡，令小明心生內疚，精神出現了異常。
而警方亦發現小明曾飲用了大量酒精，死亡原因被判定為急性酒精中毒！

整件事看來沒有任何可疑，但特別的地方，在另一頭的四不像的角上，纏著了一塊小明的衣服和血液，這情況跟陳仔很相似！

但是，小明已經死亡，再沒有人去懷疑和調查這件古怪的事情。
真相究竟如何，相信只有死者他們本身，才能作出解答。

意外發生後，四不像那邊偶然也會發生類似的意外事故。
而所有事故的主角，都是城大的學生，一些奇怪的傳聞慢慢在城大散播開來。

其後，不知道是甚麼原因，傳聞慢慢變成現在那樣，誰碰了四不像就不能畢業的故事！

「成件事就係咁啦！」Tina一口氣把她所知道的都告訴阿良和阿強。

聽罷，他們都不禁感到一股寒意在背後油然升起！
但，故事終歸只是故事，他們當然不可能就這樣相信。

「嗱，你講嘅故仔我地就聽完啦，恐怖都算恐怖，但就唔係好合理囉。第一，死咗就唔應該出到呢個傳聞啦。第二，如果真係掂下果個咁嘅四不像都唔得，咁咪好多學生會死？咁多學生，仲有人唔信邪走去掂佢卦。第三，呢個故仔同頭先單嘢有咩關係先？」阿良一口氣提出心中的疑問，阿強則在一旁點頭表示贊同。

「你講嘅嘢都合理，頭兩點我都好贊同。我都唔知可以點樣解釋或者去用咩理由說服你。不過，第三點就好有關係啦！頭先我同Zoe帶梗啲新生果陣，啱啱就係講解到唔可以掂四不像呢個部份，同樣地，有部份新生梗係唔信邪即刻起哄，有幾個學生仲走去掂隻四不像！呢啲事其實年年都有，不過今年啲新生就做得過份咗少少，佢地竟然用煙噴隻四不像！」Tina帶點不滿地說。

「咁……佢地係無品咗啲，不過，咁關佢地無啦啦爆喊咩事？」阿良問。

「因......因為……有新生見到……喺啲煙噴到隻四不像之後，四不像個頭郁咗一下，轉過去望住佢地！」Zoe用顫抖的語氣，代替Tina回答了阿良的疑問。

阿良和阿強聽到後，都只懂露出「唔撚係啩」的表情。

多謝您睇完第二章
如果想追落去可以去以下的Link：
https://www.shikoto.com/i/EAQ

非常希望大家可以俾個Like我，我會更用心寫下去的
https://www.facebook.com/insidemyheart2015