突然, 後面有人大叫
讓開！.
另轉面一睇, 范國威行左出黎, 佢同出面講, “立法會內已經決定休會, 表決暫停, 大家既聲音我地聽到啦, 大家小心”
場外嚮起無數歡呼聱, 亦有人繼續叫 “撤回議案!”呢一刻, 我知道, 呢句說話, 將呢邊既缺口, 填平了.
可惜, 正如踢波一樣, 踢黎踢去搓死一邊, 球迷又點會滿意呢.
果然, 說時遲那時快, 人群中有人大叫 “我地等吳亮星出黎!”
呢句一出, 就好似大腳換邊一樣, 全部係10米外既人湧哂去正門,
係, 無錯, 即係我呢邊, 我心諗 “今次仆街鳥”
都未講完, 阿大sir 發出左一個佢以為好英明既決定
“ 頂住度門!!” 廿個伙計, 包括我 , 下意識地立刻去用手頂住度門. 正確d講, 係玻璃門…..
人既身體真係好得意, 有一種叫反射意識,
科學家發現, 當你重覆一個習慣24日, 你就會變成一個新既習慣.
而當你身邊人都同你做同一樣野既時候,
其實同一時間係互相用意識去暗示對方. 所以軍訓既目的就係陪養呢種意識.
從而用最短既時間, 控制最大既man power.
呢個亦係點解好多機構要有group training,
陪養企業文化, 其實, 都係係你心入面放粒種籽.
心理學上, 叫*心錨 (anchor). 其實, 即係里安納度個套<<潛行空間>>
入面既陀螺. 當某d環境因素配合下, 就會觸發, 而作出相類似行為.
而我, 好明顯係一個完全殖入者,
諗都無諗就頂住度門啦. 呢個時候, 我幾想范國威走黎我面前講多次頭先既野,
但可惜, 幻想很豐滿, 現實很骨感. 吸引我眼球既, 係四面八方湧埋黎既人, 我下意識比多兩錢肉緊…..
我同前面既人只係隔住一塊半吋多d既玻璃,
佢既眼內個種狂態, 令我諗起只有discovery channel入面獅子搏兔前既眼神,
我唯有將注意力集中係塊玻璃度, 點知, 比我發現一個震驚既事實.
就係我雙手位置既玻璃上, 有一行細小既英文字,
寫住 tempered glass, 無錯， 係強化玻璃。
我腦海中不斷回憶 我老死蕭明， 一個死車房仔同我講既說話
"世界上邊有打吾爛既玻璃架? 就好似呢個世界無溝吾到既女一樣
睇你用咩方法啫" 跟住佢用個細鎚係條邊度輕輕一敲，
成塊1吋厚既強化玻璃變成滿地碎片 我個下先知道 咩叫做隔行如隔山既道理
不斷既拍打同呼喝聲 將我拉回現實
我不禁望向出面 眼內個種心急同緊張
心怕有人發現呢個秘密 如果比人發現
我地呢條所謂既防守線係幾甘脆弱
脆弱到係條玻璃邊度敲一下都會立刻崩潰
而頭上面既玻璃碎片會散落黎
我一定第一個有國旗當被蓋
睇見門外既人開始用竹枝拍度門
我靈機一觸 用力頂門既手一鬆 度門立刻被拉開一條裂縫
後面有人大叫 頂住呀
而出面既人立刻見縫插針 成枝竹對入黎攝住度門
我一見呢招以退為進得手 立刻大叫 "出力呀!"
果然幾枝竹桿就甘夾死左係門縫度 呢個時候 明面上睇 好似比人撓開左度門
而暗地裏 其實係令到支竹失去左最大既用處
未完.......
*NLP中的心錨(Anchor)是一種改變內心狀態的行為技術。心錨的運作是一種條件反射(conditioning)技術。行為心理學家Pavlov曾經以狗作為這方面的研究，他每次搖響了鈴子，同一時間給狗子最愛吃的食物。當這個過程重複數次之後，在狗的大腦內製造了一條連結鈴聲與食物的神經通道，Pavlov發現每次當他搖起鈴聲的時候，縱使沒有送上食物，狗依然會自動分泌唾液。鈴子的響聲就是一種心錨。
心錨可以分為視覺、聽覺、感覺及嗅覺等心錨。當某人在處於某種心理狀態下(例如興奮、直信、被愛等)，在身體上某個特別的地方施行一個剌激，或者用另外一種說法，安裝一個”掣”(button)，這個”掣”便會與這種心理狀態連結在一起，每當這個”掣”被按下的時候，那種心理狀態便會再次出現，這是一種感覺型心錨。有關視覺型心錨，例如每當你看見自己在某一項比賽中贏取的獎杯的時候，你會自然地重現那份成功的感覺。又例如當你看見某次旅行的照片，你會自然浮現出當時那種輕鬆寫意的感覺。
