可能咁講有d似串緊「紙言」咁，不過我相信佢明白我唔係咁諗既！我只係想呃like即。

今日見到自己既稿費就黎去到有1蚊既時候，真係興奮到要出個短篇黎講下。

之後我就開始計返我寫左幾多隻先得到呢個稿費，

由12篇 dixit 平均計算，每篇大約250隻字，之後加埋d呃like呃share既文章(又唔係真係呃既，都係內心既感受黎架！)

都差唔多五千幾字，之後一計...

每隻字係大概 $0.0001 ，每次打呢個數我都好小心，因為太多個零(係...好多個零...不過係小數點後)

而我既文字，就係值呢一個價... ...

可悲咩？又唔係，由一開始我要寫一個大家都唔會特別鍾意睇既文章之前，

我已經係預左冇錢收。

試諗下，如果我去搵白卷同佢講，我想出一本書講dixit既散文，你覺得有d咩既回應.... ....

未開始諗都知唔得... ...唔好講市場、個card game既版權都係問題啦... ...

唔通真係同人講張卡，唔比樣人地睇咩... ...

好的，如果只係寫散文又點？

我又係抱住同一個心態，會睇我寫野既人，十個有九個平時都未必上網睇開野架啦。

會主動上網搵野睇既，一定會係心中有d感覺找得到，而唔係睇你係咪發洩亂吹一餐。

佢地都係要一d寄托，最好咪就係心靈雞湯或是名人金句... ...

再唔係既就係追故仔(我真係寫緊奇幻故事，已經完左成14萬字，會繼續努力，因為成個故事一半都未有-.-)

咁我唔係呢條路(暫時)，咪又係預左偏離呢個market，又係唔會有錢賺。

返返轉頭，既然一齊都係冇所謂，都只係隨心而「發」... ...得到呢$0.0001...

係咪都已經叫賺左？

By 十二少