認識Suki,因為她是志堅的女朋友，志堅是我認識十八年的好兄弟。
雖然古語有話：朋友妻不可窺，勾義嫂燒細佬。但耶穌同孔子都講過：愛是不保留！我甘冒死後跌入無間地獄，被百鬼勾J筋的報應，也要同Suki一齊，因為我相信愛是最大權利，大到可以撬自己兄弟牆腳。
「我打算聽晚同佢講分手。」坐在床邊的Suki,雙手反向背後，將胸圍扣上時說。
「聽日？」我放低部iPhone 。「聽日係佢生日，我地仲約左去肥陳記打邊爐，妳講呢D？」
她轉過臉望著我，先咬一咬下唇，眼珠子望望天花再望向我未穿內褲，僅用被單蓋著的下半身，深吸一口氣再由鼻孔呼出，胸脯輕微起伏的這一連串說話前奏動作，我知道她又要重覆那個話題。
「發仔，我地咁拖落去想拖到幾時？我已經發覺自己唔再想錫佢，每次當佢錫落我個嘴度，我都自然反應縮一縮。佢問我咩事，我話佢口臭，佢依家每日都袋住包益達，𡁻完就預備嘴我。你知唔知？我望住佢𡁻香口膠個樣，就幻想到佢將會嘴落我度，我覺得好大壓力囉！」
「對唔住，如果當初……」
「對咩唔住啫？唔通自己鍾意嘅人同其他人上床，你覺得好對人唔住？」
我覺得這是個帶哲學味道的思辯問題，我背著志堅與Suki發生感情繼而上床，理所當然地是對不起志堅。但如果我和Suki是兩情相悅，彼此真心相愛的話，志堅便是破壞一段良緣的第三者，一個第三者預備益達要跟我的情人嘴嘴，還要上床，要嬲的人應該是我才對吧！
「咁，係應該講清楚……」
「你自己同佢講？」她用指尖指著我胸膛問。
這等於叫金正恩承認自己每晚都睇少女時代 MV打JJ一樣，這根本是個不能說的秘密，我與Suki一開始就注定泥足深陷。老實說，我從沒有想過要跟志堅坦白我和Suki的關係，志堅與我經歷了人生很多次起跌，一起度過多次難關，一碟炒飯兩份吃，一件波衫兩份著，只是沒想過一個女人也要兩份用。
「你唔講，我講。」她穿起牛仔褲，說：「我今晚就講，佢聽日生日，一定會叫我去佢屋企瞓，我唔想同你做完又同佢做，你得，我唔得呀！我覺得自己好污糟呀！」她穿回高跟鞋便「嘭」一聲關上我家大門。
我躺在床上完全想不到任何事情，有人說男人用下半身思想，我認為很多時候是對的。
在夕陽斜照的午後睡床上，望著那台壓在一條CK內褲上的iPhone ，我知道很快會接到志堅電話。
完。
