近日經常聽到新聞話邊到邊到既學生跳樓,而且仲愈來愈密。

以前好少聽到學生因功課、成績壓力太大而自殺。

由幾時開始,商家不斷灌輸學前教育既重要性。Play Group 大行其道,你唔報就註定輸在起跑線上,嚇到班家長係小朋友兩個月或三個月大就預先報定多個 Play Group。

小朋友由幾個月開始已經要不斷被迫學習一些困難的智識,起初是認物件形狀、訓練肌肉、記字母、數字等等比較簡單的,但一升上幼稚園便要學習困難的英文生字、數學練習,有些英文生字更誇張到連大學生都唔識。幼稚園功課量亦都唔係少,小朋友又要報讀大量興趣班為升小學作準備,佢地要為左小學面試整一本簡歷,本簡歷既項目隨時幾張紙都寫唔晒,一個咁細個既小朋友會學到咁多野?每個人一日都係得 24 小時,為左學習唯有犧牲玩樂時間,日日都咁樣被迫去學野法,點會開心,童年就咁犧牲…

香港教育制度亦都好奇怪,一味塞一大堆有咁難得咁難既智識比學生,唔要求學生理解背後意義,只要求學生背到就算,令知識不能靈活運用。如果一個問題是已知已有答案,香港學生可以好快速咁答到你,如果去到一個未知領域,香港學生係完全前進唔到,推算唔到答案。咁既方式訓練出黎既學生永遠都係中庸之道,唔會係最差,亦都唔會係頂級。教育制度亦都漠視學生既能力,將原本中學程度既智識強行推落小學,有咩大小事入左醫院一個星期,唔駛指意追得返個進度,情況就係咁恐怖。同學之間會互相比較成績,本來係一件好平常既事,但將成績睇成大於一切就好有問題。人總會有能力上既分別,你可能運動細胞好,佢可能頭腦好,佢又可能藝術好,但學校或家長會灌輸只有讀書先有用既印象比學生,運動好,藝術好,係香港係無用,唯有讀書高,久而久之學生只會註重學術方面,唔再理會其他發展,只有運動好或藝術好既學生發揮唔到佢既專長,每年都葬送唔少非學術人材。

而家既學習環境咁差,學生又點會頂得順,要解決學生自殺問題,要由改革教育制度開始。