《算啦》
「算啦，你睇吓佢個樣，笑到嘴角含春咁，一定同人蜜運梗啦，鬼得閒留意我哋講乜咩！」
朋友聚會中
你只是看着手機屏幕
嘴角微微向上揚
你的知心好友們便已經知道
你準備墮入愛河了
而處於曖昧階段中的你
亦沒有打算否認
只是害羞地笑着回答：「咩呀 我有專心聽㗎囉好冇？！你哋真係好多嘢講！」
聚會當中 除了聽朋友們交代一下近況
你也會分享一下你和曖昧對象的發展
你的好友們亦會幫你分析一下
那次聚會
就在你甜蜜的分享及好友們心思細密的分析下結束
「算啦，嚟緊有啲人唔得閒出嚟㗎啦，或者可能出嚟都要帶多個人，仲要食完飯就嗱嗱聲返屋企。」
「點解咁講嘅？」
「吓 你有冇睇Social Media架 全世界都知佢同X X一齊咗啦喎！」
「咁大單嘢冇人講嘅」
「@你
@你
@你」
在你和另一半確定關係的那天
你的手機響個不停
正當你以為是對方找你的時候
你打開手機才發現
原來是你跟好友們的群組
正在頻繁地發出訊息
不過你沒有立刻按進去那個不斷
「XXX正在輸入中……..」
的群組對話
而是選擇了先按進跟「BB」
的對話框
回覆對方的訊息
接着再按進你跟好友們的群組
回覆大家說：「係呀 一齊左啦。」
你才回覆不過十秒
大家便已經爭相發出信息了：
「出pool飯！！！！」
「恭喜你呀 終於一齊到 要同佢長長久久呀」
「拍拖還拍拖 唔準重色輕友架 不過都祝你幸福啦」
「嗱嗱嗱 放閃放閃 唔准太誇張」
前十分鐘還在擔心你會重色輕友
但你一回覆訊息 大家便立刻送上祝福
大家作為你的好朋友
內心當然是衷心希望你過得幸福的
那些擔心你會重色輕友的說話
只是說笑罷了
當然 其實就算真的有擔心都是無謂
在你回覆大家的訊息前
你已經選擇了重色輕友
不是嗎？
「算啦 不如你同佢分手啦 講真」
「但係我唔捨得… 」
「咁你覺得佢值唔值得呀？」
「我唔知….但我真係好愛佢…」
「愛人之前要先愛自己呀，你而家係傷害緊自己」
「係囉！我都覺得你應該分手」
和另一半關係處於壞狀況的你
坐在酒吧中和你的知心好友們摸著酒杯底談心
替你不值
勸你放棄這段感情
你卻像吃了迷藥一樣
口中一邊訴說着對方的不是
明知道對方對自己不好
卻不願放棄
過多一會
你的手機響起了
「BB
手提電話
滑動以接聽來電」
你看着手機屏幕
還是選擇把來電接了：
「喂 你究竟係邊呀」
「唔關你事」
「Sorry呀 唔好嬲啦
我以後唔會架啦」
「你邊次做錯嘢唔係咁講？
大事小事 你都係咁講」
「我真係想同你繼續行落去㗎
你喺邊呀？不如我哋見面傾一傾啦
XXXX等 好無？」
「嗯」
說畢
你掛斷了通話
雖然眼中仍泛起紅框
但已經準備離開酒吧了
你的朋友們都呆了一呆：
「下 你走啦」
「嗯」
「去邊呀 飲多陣先啦」
「一係我哋送你返去啦」
「唔使問啦 一定係去見果個衰人啦」
聽到這句 你只是點了點頭
他們繼續說：
「下 咪鬼見佢啦 做咩呀」
「係咪傻左呀 仲見佢？」
「算啦 你哋由得佢啦 佢一定心軟
你信唔信
聽朝起身佢一定會繼續同人哋一齊」
「唉。」
「但我哋特登出嚟陪佢㗎喎 佢而家就咁走咗去…..」
面對失望的好友們
你還是選擇了轉身離開
前去和那個你認為還值得的人見面
果然 不出大家所料
你們最後還是和好了
你把大家的口水白白浪費了
還把特意出來陪伴你的大家給拋棄了
這次
你又重色輕友了 對嗎？
「算啦 都完左啦 冇事嘅 萬大事有我哋喺度呀嘛 聽日又係新開始！」
「你冇咗棵樹姐 仲有成個森林呀嗎」
「唔洗諗咁多啦 得到解脫 你應該開心呀嘛
分手快樂！飲杯！」
這晚 剛剛分手的你當然傷心不已
好友們二話不說相約你到K房
拿着麥克風
第二天有什麼事要辦都不重要了
最重要的是陪伴你
宣洩情緒
希望你能夠早日走出失戀的關口
唱到半夜
喝到半醉的你
又再次聲嘶力竭的哭了起來
大家都爭相安慰你：
「哎呀 傻嘅 唔好喊啦 」
「冇事冇事」
「算啦 冇嘢嘅 唔好喊啦
你睇吓嗰次你抌低我哋喺酒吧
我哋都未喊 係咪咁話先」
接着你還逐漸進入了更加不清醒的狀態
開始失了控
哭着的同時 也在訴說着自己有多傷心難過
這一晚 彷彿世界上最慘的人就是你
但更慘的應該是你的好友們
大家要一手一腳把你枱上的士
再把你送回家
第二天醒來
你已經忘記昨晚發生什麼事了
還有點頭痛
你唯一清楚的是
大家把你安全的送回家中
才各散東西 自己回家
只知道打開手機的群組對話
發出了一段訊息：
「Sorry呀 琴晚飲咁醉
又麻煩到你哋添」
大家回覆說：
「傻啦 最緊要你安全」
「講呢啲」
「好好休息吓啦」
此時的你
雖然未走出傷痛
但亦感受到身邊的溫暖
「算啦 唔好再提啦 我都唔知點解嗰陣時咁蠢 仲要搞到你哋咁勞氣」
過了好一段日子
你已經放下了
亦不介意提起你的前任
你在飯局中說了一句這樣的話
大家異口同聲地回答說：
「算啦 鬼叫我哋係老死咩」
當你說出：「算啦」前
其實大家早就已經因為你
說過很多次這句說話
但你會發現
無論大家把這句說話說過多少遍
無論你多少次拋下大家
選擇了多少次重色輕友
讓大家嘮叨了多少遍
無論你有多麻煩
經歷了什麼
陪在你身邊的
依然是大家
幸福，其實一直都在身邊
你 有沒有好好珍惜呢？
