係舊公司成日比人監視住，壓力太大頂唔順，所以辭左職，而家失業中。
失業既生活好似退左休咁，每日起身慢慢食早餐，睇住旁邊既西裝友趕頭趕命，自己就係茶記懶懶閒咁嘆奶茶 。
食完早餐，返屋企上網搵工，每日 SEND 十封信差唔多，之後訓覺。
訓到十二點或者一點起身，可以開電腦睇劇、睇電影、打下機，有左電腦，所有娛樂接近免費。
到左三四點，可能會覺肚餓，由於消耗唔多，可以考慮落街買 10 蚊兩個包，或食下麥皮 。
食完野咪去街市行下，睇下屋企人返唔返黎屋企食飯，冇就買 D 野自己煮，又可以省唔少。
失業左一個月，依照咁既生活方式，扣除必要開支，總支出大概平時返工三成左右。
諗落都覺得好笑，我辛苦工作，為左就係六七十歲後，可以享受類似咁既休閒寧靜既生活。
原來失業已經可以做到，人生真係可笑，哈哈！
有個故事係咁︰
富人看到窮人在海邊釣魚，走上前去對窮人說：「你為什麼不想辦法多釣點兒魚呢？比如去買條船。」
窮人問富人：「我為什麼要這樣做呢？」
富人說：「如果你買了船，就可以去更深的海裡釣魚了，那裡一定有更多的魚。」
「然後呢？」窮人問。
「然後？」富人想都沒想就回答說：「那你就可以把釣到的魚賣掉，去買更大的船，去更深的海裡釣魚，釣到更多的魚！」
「然後呢？」窮人繼續問。
「然後你就可以無憂無慮地在這裡釣魚了啊！」富人說。
「我現在已經在這裡無憂無慮地釣魚了！」窮人回答。
究竟咁辛苦返工係為左追求咩？追求緊既事會唔會係一放手就已經可以擁有呢？
