是咁的，又到咗一年一度畢業生搵工既時間，又會係報紙見到有一大埋壓價文出現，例如「90 後帶埋阿媽見工」，「90 WhatsApp 辭職」等等既文章。

講到而家既畢業生真係咁唔掂，HR 就唔駛出高人工去請人，呢啲全部都係 HR 既慣用招數。

幾時都話 HR 係最下賤既職業黎，壓低同事既人工係老闆面前認叻叻，損人利已，個個都係你同事黎架！

我曾經都係畢業生，見工一樣比人壓過價，壓你價既公司唔方好得去邊，就算唔做都唔會有損失，可以放心拒絕。

「你今年畢業，無工作經驗，你寫既 expected salary 我地比唔到，你可唔可以再減啲？」

「er…，咁…呀，幫我減返 1000」

「都係超出我地上限，可唔可以再減啲？」

「咁…呀，再減多 1000」

呢到既對話係咪似曾相識呢，明明自己寫既 expected salary 都未超出佢開出黎既上限，佢就話自己比唔起，咁個上限係拎黎擺架？

遇到呢啲情況一定要企硬，答佢「唔會減！」

當佢認定你係適合人選，就算你個價比其他人高，都一定會請你，自減人工一定唔會令你成為優勢，最終都係睇能力決定。

所以唔好再咁傻，比人講 2 下就自減人工啦。

分享埋比啲 FD 知啦。