當年畢業無耐，去見工都比人問過呢條問題。

當時係無講到真話，咁我就答佢︰「其實貴司既比人既印象好正面，好踏實，而我對呢個職位既工作好有熱誠，所以一見到貴司有空缺職位就立即應徵，希望能夠有機會為貴司服務。」

講完出黎即刻打左個冷震，其實呢段咁假既說話係預先準備好先講得出。

自己心裡面既答案其實係︰「人工高咪黎見囉！」

究竟係邊個弱智發明呢條問題？

講真話又唔請，人地講假話又對件事無幫助，講得太好聽又唔請。

究竟想聽真話定假話？知唔知自己想點？

如果你係請管理層，呢條問題私確係幾好既，不過今日我只係黎見份文員工，我理得你公司遠景係咩，人工高我就黎見架啦，阿叔我仲趕住見下一份，唔好係度阻住晒啦！

好心你地班 HR 咪咁弱智啦，將書本上面既野照搬過黎，又唔諗下個職位適唔適合用，不如下次請洗碗都問下佢對公司黎緊既 5 年計劃有咩睇法丫！

建議下次面試遇到同樣問題時，可以答佢︰「有頭髮邊個想做癩痢？」