你有無諗過點解上司咁蠢，但佢既職位會比你高？
你有無諗過上司連影印機都唔識用，但你就要係佢面前做到好尊敬佢咁。
你有無諗過上司連做人既常識都欠缺既時候，佢職位就係比你高。
點解？
可能你覺得自己懷才不遇，時辰未到，未到你升。到你係公司做返三五七年都未到你升，到時後悔都黎唔切。
呢個世界唔係做到野就升到，以香港為例，除左一個局長，其他通通都係廢柴，我敢寫包單，你上去做都一定好過班廢柴。佢地上到呢個位唔係靠實力，有實力既都走得七七八八，梁震英咪要係廢柴堆入面搵 D 無咁廢既出黎。
如果你上司係廢柴，我會勸你快 D 跳槽。因為你上司除時都係因為有實力既走左先升到呢個位，咁你認為佢再升職既機會有幾大？佢唔升，咁你有冇機會升？自己諗下啦！你自己有料，你個廢柴上司係會用盡方法留住你，唔比你升，唔比你調 Team，你走左，咁 D 野邊個做？唔通佢做呀？
對住呢 D 人跳級投訴係無用，佢一定係打好晒關係，唔係點解咁無料都坐係個位到咁耐，你投訴完比佢知只會令自己更無運行。對住呢 D 人唯一辦法就係轉工！
正所謂魚唔過塘唔肥，你仲留係間公司只係唔想放棄個舒適圈，跳左出去返唔到黎點算？唔跳出去係唔知出面有幾好有幾差，你只會成世係井底睇 Facebook 羡慕人，分享下 Google 辦公室既圖，順便打返句「如果我公司有咁正就好啦！」。
最後祝各位都遇到有料上司。
Like 我 Facebook 有更多好文睇！
