世界末日到了麼？

今天終於到來，妖星在今天最接近女母，四族已經準備就緒，發起對妖星的總攻擊。

而我亦已經日夜趕工，將伊甸園工程完成，亦都準備好對女母的總攻擊，現在只等四族發起攻擊。

一切都只是瞬間的事，只要按下按鈕，事情便會按我的劇本運行。

「喺時候，進攻！」曬仁鐵士一聲令下，四族事先部署的數百枚飛彈全部發射，直直向妖星飛去。

「銀呀」！

無數的爆炸聲響徹天際，漫天的煙霞在太陽映照下被染得又紅又黃，絕對是一幅傳世名作。

「攻擊。」我無情的下令，隕石形的飛彈咻咻的發射，從煙霞中突圍而出。飛彈的設計為三段式，第一段會於升到高空後脫落，接着靠第二段的燃料調整方向，方向調整好後第二段亦會脫落，最後使用第三段的燃料和地心吸力的作用，飛向全個女母指定的地點。

「大家留意！係妖星嘅反饋，用第二波攻擊打散佢！」啲悲指揮道︰「魯啦，喺你哋醫療隊發揮作用嘅時候，即刻去救援傷者。」

「收到！」魯啦戰意滿滿的回應︰「咪啦，出發！」

瑪瑪露此時也與眾人會合，報告說︰「全部族人都已經安置好，仲叫咗樂蒙同亞旺奴睇實，作戰可以進入第二階段。」

「好，等咗呢句好耐，啲悲！」曬仁鐵士磨拳擦掌，只等啲悲發號司令。

「好，第二階段作戰開始！啲吉、亞骨多它，發射光線。」啲悲命令道。

「遵命！光線，發射！」啲吉和亞骨多它同時說，之後一道光線從飛迅村射出，把隕石形飛彈都引爆了，然後再聚焦在妖星上。

「可惡，估唔到佢哋進步咗咁多，我低估咗佢哋。」我咬牙切齒的說︰「不過好彩我仲可以用我自己嘅身份去去說服佢哋。」

「救世主大人，你快啲過嚟睇吓！」亞當驚惶失色的大叫。

我立即跑過去，也被眼前的景像嚇得不知所措。

妖星正在消失！消失的意思不是被打散打碎，而是像被轉移般慢慢消失了。

「點解會咁？」我望向挪亞，只見他正滿頭大汗的埋頭苦幹，完全顧不上與別人交談。

「啪」！挪亞雙手拍枱站起來，驚訝的道︰「係時空轉移！原來佢哋真係成功咗，佢哋將個理論實現咗！」

「Wtf？」我完全不敢相信此刻的所見所聞，時空轉移都能實現，這世界還有甚麼是不能做的？

「佢哋……佢哋真係可以徹底解決妖星嘅問題……」亞伯拉罕看得目定口呆。

挪亞在此時再次開口︰「佢哋唔夠能量將成粒妖星轉移，咁樣落去會卡住，造成時空通道，到時其他世界嘅人就會輕易過到嚟，各個世界都會大亂。」

「咁應該點算？」摩西問。

「我哋要幫佢哋！」大衛說。

「我認為要阻止佢哋先啱。」彼得持相反意見︰「佢哋將妖星解決到的話，我哋仲點控制佢哋？」

「我唔認同，」大衛說︰「我哋唔一定要用恐懼嚟統治佢哋，相反，我哋應該要以德服人，咁先會長久同唔會反抗。」

「我同意。」摩西附和。

「我都認同。」亞伯拉罕也贊成。

挪亞則猶疑不決，但他認為「自己的事自己做」，即是不要把妖星送到其他世界，而是要把它留在這裏。

他們各持己見，各有道理，我一時之間也不知應如何作決定。

但仔細一想，為甚麼妖星明明不能被攻擊，明明不存在於此世界，明明不能被觸碰，為何那光線卻能把它轉移？能轉移意味着它能夠被觸碰，這是甚麼一回事？我完全糊塗了，想不到原因。

「救世主大人，我對比返之前嘅資料，今次粒妖星同之前唔同，今次係實體。」挪亞大驚，續說︰「計算返佢嘅軌跡，佢係由界度出嚟！」

「夏娃？」我第一時間想到的便是她。

「一定係夏娃發現咗我哋嘅計劃，所以先我哋一步，偷偷哋將真正嘅妖星由現世界帶過嚟！」彼得雖然是猜想，但卻言之鑿鑿。

以前一直與夏娃形影不離的亞當此時竟為夏娃辯護︰「唔係佢，呢樣嘢佢唔會做，雖然佢好想消滅哂其他族，但佢唔會擾亂其他世界！」

「憑咩咁肯定？睇怕你係叛徒，一直泄漏我哋嘅情報畀佢！」摩西指着亞當說。

「冷靜，千祈唔好內鬨，當務之急係解決咗妖星嘅問題先。」亞伯拉罕嘗試將矛頭指向妖星。

「挪亞，有無辦法將粒妖星送返去現世界？」大衛問。

挪亞搖搖頭，於是大衛便狠下決定︰「咁將佢留喺我哋世界，唔好畀佢影響其他世界！」

挪亞做了一個「OK」手勢後便埋頭苦幹，經過一番計算後，他將一枚飛彈稍加改造，然後向着妖星發射。飛彈朝妖星飛去，在光線與妖星中間爆炸，造成了一層又黑又濃、久久不散的煙霧，影響了光線的作用，妖星不再轉移，取而代之的是直朝女母墜落。

「因為妖星無咗一部份，所以軌道改變咗，估計兩分鐘之後會墜落喺女母。」挪亞說。

「叫佢哋避難，快！咁大粒隕石墜落，會造成世界末日，地表乜生命都會消失，啲塵會喺大氣入面好多年都唔散，遮住哂陽光，恐龍都係咁先絕種，我哋快啲叫佢哋匿埋，匿落地底，或者去界！」我想起恐龍滅亡的一幕，於是立即採取補救行動，把傷亡降到最低。

「趕唔切喇，我哋會一齊去下個世界。」彼得絕望的說，但他也確實沒有錯。

「唔理，救得幾多得幾多，快啲叫全世界避難。」我再次下命令。

隨着我的一聲令下，挪亞對全女母發出了避難警報，而且盡可能的在各個地方打開界的入口讓他們躲避這滅頂之災，而我亦都藉着廣播呼喻各人避難。

不過，兩分鐘過得很快，而且妖星墜落時引起的各種天災亦都為避難過程增添難度。最終在妖星墜落地面、地表分崩離析、滔天海嘯和火山爆發相互襲擊下，女母面目全非，四族的人死傷慘重，只剩下少數生還者。

明明我只想安穩的做個異世界地產霸權，但偏偏不能讓我輕鬆如願呢？

女母已經被夷為平地，沒有任何有價值的東西留下，而且變得長年不適合居住，會成為一片廢土。

但有危才有機，換個角度想，難道這不是重新出發、重頭建立的最好時機嗎？無任何包袱，無任何負擔，無任何傳統，無任何文化，所有的東西皆由我建立和制訂。

或者，這次才是實踐我夢想的最好機會，大破後大立，需要一個德高望重的領袖帶領，此前累積的所有名聲，今次正正是梭哈的時候了。女母經已無望，就在界重拾希望吧！