唔好搞我後面
「朱Ling，你條粉腸點垂死掙扎都阻唔到我贏㗎喇，四個人入面，三個都係藍營，你安靜咁死好過喇。」阿Tim意氣風發的說，面容有點猙獰。
其實不用阿Tim說，朱Ling也很清楚知道自己境況是如何糟糕，不過總不能被對方看扁，正所謂「輸人唔輸陣」，於是他頂著對死亡的恐懼，邊祈求神蹟出現，邊硬撐說︰「就算得返我一個，我都唔會向惡勢力低頭！堅持就係勝利，邪不能勝正！」說完後，可能出於對阿瑩留有的最後一絲信任，又或者她是唯一有可能變節的人，朱Ling很自然的望向阿瑩，希望她會有所行動。
可惜，世界哪有那麼多奇蹟，阿瑩依然沒有任何行動，只是冷眼旁觀阿Tim跟朱Ling的對話，甚至眼尾看一眼朱Ling也沒有，只是別過頭望向牆壁，拒絕參與這次討論。
而同樣靜觀的還有高軒，他看見朱Ling臨死前的垂死掙扎其實動了惻隱之心，很想幫助他，奈何這涉及到自己的性命，兩者比較之下，自己性命比他人性命重要，所以只有垂下頭默默的替他祈禱，生怕有眼神接觸會令自己下不了決心。
「睇嚟今次討論得返我同你兩個會出聲，係我哋之間嘅鬥法。」阿Tim看到阿瑩及高軒的表態後，顯得更加亢奮︰「你死撚梗，今Round扣你一條命，下Round扣埋第二條命，我哋就三個人昂首闊步行返出去，人？棄屍荒野啦！哈哈哈哈！」
「你睇唔睇到呀？無人幫你呀！你嘅希望阿瑩都唔想理你，你真係一條可憐蟲，到臨死都要孤獨死，無人送你上路。」阿Tim越說越興奮，垂下頭的高軒聽到後也感到憤怒，可惜敢怒不敢言。他心有恨意，恨自己的懦弱，恨自己的貪生怕死，恨自己的正義太易被動搖，為了渲洩對自己的不滿，只好狠狠的捶打自己大腿。
「你唔好咁得戚住，隻Game一日未完，一日都未知鹿死誰手。我仲有計，睇我點逆轉。」任何人也看得出朱Ling只是在硬撐著，根本沒人在意他所謂的「計」。
「嘩！媽呀，我好驚呀！你再吹大啲呀嘛！你咁都逆轉到，阿叔我批個頭出嚟畀你當櫈坐！」阿Tim霸氣的道。
「哈，好啊，以後我就咩櫈都唔坐，淨係坐你個頭！」朱Ling胸有成竹，對著高軒喊道︰「高軒，我知你忍得好辛苦，你係咪好狠自己？我都知你做哩個角色係違背咗自己良心，不過而家終於可以解放，可以做返真正嘅你，唔駛再掩藏同收埋。」
原來剛才高軒的舉動，被朱Ling覺在眼內，當高軒聽到朱Ling的說話後，頓時淚流滿面，眼淚像山洪暴發一樣止不住。
「睇嚟形勢起咗變化喎阿Tim，究竟最後會點呢？」朱Ling故意挑釁阿Tim，目的是要令他暴怒，失去理性，不能冷靜判斷形勢，只有這樣，勝利的曙光才會有丁點照到自己身上。
「切，可惡……」阿Tim心裡想︰「高軒哩個無撚用嘅廢柴，去到而家哩個地步先嚟玩嘢？」他咬牙切齒的白了高軒一眼，而高軒雖然仍然垂著頭飲泣，但好像感覺到阿Tim的殺氣一般，整個人打了一個冷震，立刻雞皮疙瘩、汗毛直豎。
「朱Ling你條契弟，以為搞我後面啲細嘅我就會驚你？No way！你搞我後面係無用㗎，一陣投票你就知。高軒！」阿Tim突然對高軒大吼︰「信我，你就唔駛死；信佢，你就今鋪死。如果你聽佢講投我，我嘅被動技能就會發動，你就係咁大；相反你投No，下一輪就朱Ling條冚家剷死，你就活命，你揀！」
阿Tim的說話，每句都直入高軒腦袋，非常深刻。作為聰明人的高軒，又怎會不知道這道理？然而正正因為他有學識，飽讀聖賢書，培養出一顆叫良心的東西，才令他有所動搖，不能狠下心腸殺死朱Ling。但當阿Tim再以死相諫，逼他面對現實時，他又要再為自己的生命、家人負責，權衡自己跟朱Ling哪個更值得生存下去，以及生存的機率。
那個始終沒有出聲的阿瑩看到這裡，嘴角不自覺的上揚，看來事情發展得蠻如她意。心思細密的朱Ling也留意到了，於是利用這一點，再在阿Tim的怒火上澆油︰「阿Tim啊阿Tim，你有無留意到阿瑩啱啱嘅微笑？睇嚟佢都會投死你，咁就三對零，下一Round就係你嘅死期。」
「無可能！你條分化撚唔駛喺度搞分化，高軒因為自己條命所以會投No，阿瑩係藍營所以都會投No，你噏咁耐其實乜都無改變過，唔駛大我，你喺我背後搞咩小動作都無用，我再講多次，唔！好！搞！我！後！面！」阿Tim怒火中燒，正中朱Ling下懷。
「時間差唔多，一陣睇下投票結果咪知。」朱Ling充滿信心，與今次討論開始時比起來，信心上而言，阿Tim必勝的把握已拱手相讓給朱Ling。
「咳咳……正如朱Ling所講，時間啱啱好，今次討論真係超精彩，網上面睇直播嘅觀眾都熱鬧埋一份，由啱啱九成睇好藍營贏，變到而家得返六成，哩次係一個好成功嘅討論，朱Ling Well done，憑一己之力扭轉觀眾嘅決定，我私底下都好欣賞你，希望你留返條命。But，哩度唔係我說了算，我唔係獎門人無得叫打和，哩度係行簡單多數制嘅民主投票制度，你哋嘅生死，全憑你哋自己決定。」傳媒一開口，黃燈便變了藍燈︰「而家係投票時間，究竟朱Ling對阿Tim的指控，大家信唔信呢？時間交畀你哋三位。」
投票剛開始，便已經結束，紅燈也還未來得及切換便已經完結，不過這也很正常，畢竟只餘下三人，下決定的速度自然更快。
「投票結果出爐，真係光速咁快，二對一，朱Ling對阿Tim的指控成立。」藍燈之下，傳媒宣布結果。
與此同時，一直沉默的阿瑩顯得十分驚訝，指著高軒道︰「高軒，估唔到你最後都要變節，寧願自殺都要隊我哋藍營。作為人，我好欣賞你；但作為遊戲參賽者，我絕對鄙視你哩種無體育精神嘅行為。Shame on you！」
阿Tim亦非常憤怒，對著高軒怒罵︰「我一心諗住保你，一齊留住條命仔出返去，你條撚樣竟然玩背叛？仆你個街，阿叔我真係睇撚錯你，見你好似醒醒目目所以先留住你，點知你哩條撚樣養唔熟，早知當初揀你唔揀阿傑！」語畢，阿Tim指著高軒。
高軒立刻為自己辯護︰「唔……」可惜剛開口，行刑式的爆頭針刑便刺向他的腦袋，即時死亡。
