呢幾年黎身邊一啲朋友有一個特質一直令我好反感。就係點解個個都要好負面咁？
啲人係要搞到自己嘅形象有幾灰暗得幾灰暗咁，佢地好似覺得好有魅力。
係呢啲人眼中，年輕才俊通常都係幾年前俾拜金女飛幾年後飛黃騰達。而呢個年輕才俊宜家一定要係非常空虛寂寞，覺得一切都無意義咁嘅世界觀。
嗻係有錢人係唔可以有一個勵志嘅故事嘎，因為你有錢所以你內心世界一定要好仆街咁。佢地覺得咁先正常。
而且我發現有一啲人係好鍾意病嘎，我都唔知點解呢種思想會存在。係咪真係睇得韓劇多，覺得唔患翻一兩個絕症人生都唔算轟烈？
我試過有個朋友胃抽筋然後同我講，我自小都體弱多病嘎啦。
當時我心裡面係咁捻：屌你你體弱多病你唔識搵個中醫執兩劑調理下身子嘎？
我懷疑呢啲人只要唔洗死日日吊住針都覺得無所謂，因為對佢地黎講要咁先算一個”有故事的人。“
有啲人好撚鍾意一晚訓唔著就同你講 我琴晚失眠啊 講到懶有心事咁。屌你訓唔著就訓唔著啦，失乜撚野眠嗻。你唔好講到自己粒暗瘡係花柳咁？我就未見過人失眠失果一晚。
而令我最嫐嘅係，呢啲撚樣永遠都淨係得把口嘎。嗻係你咁撚想病但你又唔努力去爭取喔，咁嘅人生態度唔要得咯。
點解？點解宜家啲人唔鍾意健健康康開開心心，係要自己好抑鬱好仆街咁？
你咁撚鍾意病醫院大把人想同你交換啦。若然你真係咁鍾意嘅你咪去寨卡重災區做下義工咯。隨時可以感染到，幫到人自己又開心。