講真,做大學生,有咩絕望得過讀細電?
冇時間、狂測驗、成績差,
仲要畢業之後都唔會搵到好工。
一日IT狗,一世都係IT狗。

讀一科等於人哋讀兩科半,
CS嘅嘢又要學一半,
Maths又要讀四五個course,
仲要自己本身果科啲course都好難。
一個禮拜五個course十五cred,
但係三cred入面有三個鐘Lecture一個鐘Tutorial,
仲要隔個禮拜有三個鐘Lab,

事前又要做preparation,
揸乾揸盡自己所有時間。

Year 2開始咗一個月都無,
九月尾已經一個禮拜三個test,
但係怨嚟有咩意思?
係要怨,就怨自己當初唔夠高分入唔到其他科,
怨自己揀JUPAS果陣唔識揀
怨自己year 1冇trans科。

但係我好想講,
行上咗細電這條路,跪喺地行都要行到尾。
因為中途放棄,
就代表之前嘅辛苦都白費哂。

GPA低又好,retake tritake又好,
起碼都有付出過。
每次失敗都代表著自己嘅成長,
每次Fail都比自己再次前進嘅動力。
只要保住唔好三take fail,
前路就唔係漆黑一片。

為咗成為一個被認可嘅IT狗,
為咗攞到一張大學畢業嘅Cert,
為咗可以搵到一份養活到屋企人嘅工,
都要讀落去,直至畢業。

做大學生,有咩絕望得過讀細電?
係讀咗三年半細電之後先俾人踢出校呀!