《新朋友》
故事︰
阿明近排識左一個新朋友，佢叫大輝…
有一日，大輝話俾阿明聽佢屋企冇人，仲叫阿明如果得閒就上去佢屋企一齊玩。
阿明見自己得閒無野做，就真係開車出左去，順便接埋大輝返大輝屋企，諗住一齊打下機都好。
返到大輝屋企之後…
大輝叫阿明自己隨便周圍行下，而佢自己就要去一去廁所…
本來阿明都唔好意思周圍走既，不過大輝屋企真係好大，令到阿明都有D好奇…
而且大輝去廁所既時間都的確好耐，所以阿明就決定真係周圍參觀下。
但係點知當阿明行到去一個房度，見到一本俾風吹起左幾頁既日記之後…
阿明唔小心睇左幾頁內文，而響差唔多時間，似乎係大輝既屋企人返左黎…
阿明行返出去門口，一見到大輝屋企人，再諗諗篇日記…
當堂毛管棟，仲驚起黎立即就走左…
到而家阿明都冇辦法再確定究竟佢當時既諗法有冇問題定係話純粹佢自己太敏感。
大輝既日記係咁寫既︰
「今天我認識了他，跟他一起談天很高興…
他問我︰「有什麼東西小時候有四隻腳，長大了兩隻腳，老了三隻腳的？」
這個IQ題十分簡單，我當然知道是什麼，答案是「人」…
因為小時候會四腳爬爬，老了要拿拐杖…
結果我答對了，我十分高興。
但之後他一連問了我三個問題︰
「有什麼東西小時候是四隻腳，長大了兩隻腳，老了沒有腳的？」
「有什麼東西小時候是四隻腳，長大了兩隻腳，老了一隻腳的？」
「有什麼東西小時候是四隻腳，長大了兩隻腳，但未到老便已經沒有腳呢？」
雖然… 我還是有點不捨得…
但是塞翁失馬焉知非福呢…
過去就讓它過去吧…
最少他說過會養我一生一世…」
(完)
