有人話女人係水造既，我話女人係用醋做既。
大部分女人對靚有種莫名既執着，見到靚過佢既女人就會起妒忌之心。
靚女著數多，社會對靚女有優待，夠靚可以去做名星模特兒；男人係視覺動物，通常都係睇樣先；靚既女人更有條件扮靚，可以嘗試走唔同風格，面型夠靚既可以carry到帥氣既短髮而不失女性既嬌俏，身型夠修長既可以著出jampsuit既蕭灑自然。
係人都想靚同埋被愛，妒忌係一種好自然既情緒反應。幸好既係女人仲有理性，亦唔至於單睇外表咁膚淺。
要女人鐘意靚過佢既女人，女人需要理由。
可能佢好似林依晨，心地善良，勤奮工作，我地欣賞佢既性格。
可能佢好似Taylor Swift，聲音甜美又有才華，唔到我地唔佩服。
可能佢好似全智賢，妝容穿搭一絕，我地鐘意佢既風格。
可能佢好似心悠或嘉欣bb，陣陣仙氣，好討人喜心。
如果佢單純樣貌身材出眾，冇咩其他理由俾女人去愛，好容易成為女人公敵，花瓶、胸大冇腦、靠男人等一大堆負面評價，相信大家耳熟能詳。
如果你係靚女，同你講聲唔好意思，係享受美貌帶俾你既著數同時，你需要承受女人既嫉妒，你必須比普通女仔付出更大努力先令女人鐘意你。
如果你唔係靚女，承應吧，你睇某人唔順眼好大部份係因為佢靚過你，你妒忌佢，佢唔係真係咁差。對自己老實啲，有人性既軟弱好正常。
如果你係男朋友或老公，請唔好隨便係你地女人面前讚其他女人靚，佢地就算表面冇野，但通常都會記得好清楚你讚過邊個靚。地雷既野都係少踩為妙。
.jpg)
