屋企對面有個靚仔，日日企出露台吸煙飲酒，濃密既胡鬍加埋充滿書卷味既眼鏡，真係引死人。

佢每次出現，同男朋友同居既我趁佢吾為意，每次總會忍吾住偷𥄫個靚仔。心諗究竟佢諗緊咩呢，點解眼神總帶點悲傷？被胡鬍蓋住既下巴係點樣既線條？好想認識呢個人，聽佢講佢既故事，吸啖佢既二手煙，接過佢手上既啤酒瓶啜飲一口。

講真精神上既出軌有邊個冇呀？我地都係視覺動物，見到靚仔靚女忍吾住要𥄫，忍吾住要幻想一番。冇既話你真係聖人一個，要俾個讚你。

「晏就食咩好呀？」男朋友既聲音將我拉回現實。「蕃茄炒蛋好冇？」我望住張熟悉得過份既臉微笑回應，然後走過去捉住佢溫暖既雙手。

思緒成日飄忽到連我都捉摸吾到，無辦法，慾望既衍生從來吾由人去控制。

但點都好，我既身體同真心從來屬於我男朋友。係有得控制既情況下我只會選擇我男朋友，呢啲咪叫做愛囉，哈哈。

P.S. 我偷偷將對面既靚仔影低，係咪有點變態？

慎入: https://www.facebook.com/weirdclassmate/