返到學校,聽住老師教書唔知點解有一種似曾相識既感覺,但又講唔出係點。
小息既時候我如常係自己位溫習,突然聽到有把女仔聲叫我。
「阿利唔好咁悶成日係到讀書啦,陪我傾下計啦。」我女朋友阿樂同我講
「妳究竟明唔明讀書有幾咁重要呀,同妳講過幾多次..............」突然我個頭好痛
「你無事呀阿利?做咩呀?」阿樂一邊問我一邊幫我掃背等我可以舒服啲
過左幾分鐘我就好返好多,阿樂仍然不停問我仲有無事。
頭先個幾分鐘,我個腦不斷浮現返以前同阿樂一齊既情境。
我有種感覺叫我要對阿樂好啲,唔好再敷衍同無視佢。
「無事啦我,唔該哂妳阿樂,應該係我尋晚溫書溫得太耐唔夠訓先會咁。」我第一次正視住阿樂講
「無事就得啦,嚇死我啦,最多我以後唔阻住你溫書囉。」阿樂見我有啲唔正常就咁講
「我唔係咁既意思,過黎坐低啦,有咩想傾呀。」我溫柔咁對阿樂講
比著之前既我一早就趕左阿樂返埋位,但唔知點解依次潛意識要我唔好咁做。
阿樂係我隔離坐低就可以同我傾計：
「你今日好唔同呀,之前我次次咁搵你,你都會即刻趕我走,叫我唔好煩住你,依家可以話係你第一次願意面對面傾計。」阿樂講
「我都唔知點解,只係覺得唔理你我自己會好過意唔去。」我答
「其實我想知你係真心鐘意讀書定係比家人迫,我覺得你既生命裏面只有讀書依兩隻字,你唔想答可以唔答架。」阿樂問我
「係我細細個既時候我屋企人就一直灌輸讀唔好書就一定無前途依種觀念,所以我就一直抱持依個觀念去讀書。」我講
「所以你就養成左讀書大過所有野既性格,其實依個世界唔一定淨係讀書先有前途,最緊要做自己鐘意做既野。」阿樂同我講
我既腦海又浮現左一段我本人搵極都搵唔到工返既畫面。
「好呀,無問題我會由今日開始嘗試下放低讀書,去做下自己鐘意做既,多謝妳阿樂」我對住阿樂講
「李得利,你今日真係非常之奇怪,不過都好至少你肯放低剩係得讀書依個觀念。」
自從依次之後,我就逐漸參加左好多課外活動,多左同其他人接觸，我既生命終於唔止讀書,我既世界變到色彩同精彩左。
大學畢業之後我仲同阿樂結埋婚。
有次我突然醒返起我發過一個夢,夢裏面有一個陌生既男人,我剩係睇到佢半邊面,但我覺得佢有八成好似我老左之後。
我諗依個人就係將來既我。
(完結)
後記:雖然現實中唔會有得時間倒流,但係我希望大家可以珍惜下身邊既事同人,唔好為左一樣野而放棄更多既野,
放眼望遠啲,你既世界會好唔同,人生苦短,時間短暫,唔好等到無時間既時候先抱怨,要學識珍惜同唔好後悔。
