去歐洲，大家通常會問有冇豔遇？
作為女仔，如果你個樣吾係太醜，係歐洲好易被人撩，特別係獨處既時候。歐洲人較大膽
直接，又口花花，加上對亞洲女仔好奇，所以被人撩吾係出奇事。
經常去歐洲既我都成日被人撩，行行下街俾人派卡片叫我揾佢飲咖啡，坐沙灘又問可吾可
以坐我隔離，仲有吾少問拎電話。冇野既，你對佢地冇興趣，禮貌地拒絕，然後就離開，
佢地通常都識做，吾會糾纏。
講返豔遇，豔遇即係遇上要心心眼既人。其實我又好少有喎，可能外型吾夠吸引掛。比較
深刻既一次係由香港搭飛機去Moscow，有個後生靚仔，金髮碧眼既俄羅斯男坐我隔離，
心諗發達啦。
佢主動撩我傾計，傾到俄羅斯音樂，我地耳筒一人戴一邊，佢將首俄羅斯文既歌歌詞，逐
句譯成英文俾我聽，首歌仲要係情歌。我地互相交換passport黎睇，發現大家差一年出世
，但同月同日生。班機成10個鐘，我地傾左好多野，傾理想，傾人生。最後佢同我講
，can you marry me?我笑笑口轉移話題。雖然吾係認真，但係我人生第一次被求婚，哈哈
。落機之後，大家交換左whatsapp，擁抱左一陣，就各自去自己既目的地。我地亦冇再聯
絡。
異地豔遇其實都幾正，一場瞹昧浪漫後，大家各走各路，吾講真心，吾講將來。兩個在趕
路既孤獨靈魂遇上左，互相依靠，尋求片刻既慰寂，分手後留返一段美麗既回憶。偶爾諗
返段經歷，心裡有一絲絲既甜，嘴角會不自覺向上仰。
吾知大家有咩難忘既豔遇呢？冇既話用黎做去旅行既藉口亦未嘗不可呀！
.jpg)
