或者曾經受過傷，都不自覺地學識保護自己

喺朋友面前，你就只能笑著回避，裝作沒事
但其實千言萬語，卻不知從何說起..
「點呀？呢排都無見你update fb ig嘅，搞咩呀？」
「無乜野咪唔post..」
「仲係為左佢唔開心？」
「傻啦haha..點會..」

一切，你其實都心知肚明。

有時其實你好想搵一個傾訴對象，但始終你覺得比人知道太多自己嘅事，就好似有痛腳比人攞住一樣
普通朋友當然唔會講啦，但有時就連好熟嘅兄弟或者姊妹都唔敢講太多..
可能你都仍然相信佢唔會講出去，又或者你都知道佢可能幫到你..但最後你仍然選擇將說話收埋深深處，永久保存
呢件事，或者就只有你..同佢知道..

正常人好地地其實唔會咁大疑心、咁唔相信人，通常咁樣做嘅...或者都係曾經受過傷害，俾人出賣過、遺棄過先會咁有自我防衛意識。
或者你好怕比人當作茶餘飯後嘅話題，因為你知道一切一切嘅傳聞、閒言閒語只會令自己更加困擾。
自此，你決定唔再同任何人透露自己最真嘅一面。

慢慢地，就好似自我封閉一樣..
外人睇你或者好似無變過一樣，但如果真係熟識你嘅人..又點會唔知你嘅改變
「無事無事」
其實又點會無事..

現實社會爾虞我詐，或者，要搵到一個你相信嘅人真係好難。
如果搵到一個值得你信賴嘅人，就真係要好好珍惜。
相信你亦明白到，呢種信任真係得來不易...

P.S 有幾耐無試過將埋藏已久嘅心事同人傾訴?

ig:hottofuzai
fb:熱豆腐仔