陶傑講過:「大學不一定是學術自由的場所，還是戀愛轉型的金鐘中途站。」
　
有好多情侶一齊面對Dse嘅挑戰後，難免唔係雙雙都成功入到大學，經常出現「兩個只能活一個」的情況。當另一個放棄選讀副學士而踏上自修之路時侯，呢段關係究竟會係點?
　
當佢去緊o camp時候
嗰陣你煩緊點入大學
當佢忙緊識新朋友嘅時候
你忙緊識一班一齊要入大學嘅朋友
當佢上莊、con day、宣傳莊嗰陣
你開始收恰心情要溫書
當佢趕paper嗰陣
你都唔知自己做緊乜
當佢同班莊員嗌交時候

嗰陣你仲諗緊上莊係咪同中學搞學會一樣
當佢要apply intern嗰陣
你諗緊如果又升唔到大學咁點算
　
　
未計如果佢喺hall度識咗啲新朋友，晚晚一班人玩到通頂走堂酒池肉林頹廢校園生活
　
你就自己一個喺屋企上高登
　
不過，作為男人，好好記住呢份恥辱，的起心肝發奮讀書，對住已經升上大學嘅女朋友，你只需要做好本份就夠。若然真係分開，就更加記住呢份心情，好好考好個DSE，入到大學你就係天之驕子，先唔講你媾唔媾到女，至少入到大學後，你人生就會改變了。
如果上到大學嘅你，都要多加鼓勵另一伴，消除佢對你升到大學嘅疑慮，等佢可以放心專心讀書，得閒記下你地曾經開心曾經奮鬥過嘅回憶，他日伴侶升返大學時，你地會更珍惜對方，起碼你地捱過呢個戀愛轉型的金鐘中途站。
　
　
其實又唔洗咁驚，就算真係兩個只能活一個，就算話題唔同，生活圈子唔同，日日面對狗公圍住，都仲有機會Keep到!
　
Come on, James
帽事嘅　
　
至於仲擔心緊去唔去O Camp嘅問題，真係好傻豬豬。今時今日仲講呢啲真係好老套，想去咪去，唔想去咪唔去。
一來自從轉左DSE後，O CAMP啲玩法已經同舊時唔同，已經小朋友化咁
二來如果去得幾日就怕比人搭咗，呢啲伴侶要唔要都罷啦
利申：　我係好支持去玩o camp，當年我真係玩得好開心好青春。
　
都係嗰句啦
帽事嘅

IG:　https://instagram.com/homing0624/
圖: 黎特