我以前搵親女朋友都唔識打機，唔識打唔緊要，但講到打機就係罪咁。

久而久之你就會趁佢唔係度個陣偷偷打機，如果你女友只係用 WhatsApp 同你溝通都好 D，我有個方法可以快速應對 WhatsApp 對話。

我會預先打定一堆常用對話係 Excel 表到，之後開個網頁版 WhatsApp 出黎，電話就長開住 WhatsApp，記得較埋唔會自動 Lock 機。有訊息個陣就會望一望電話，再係腦入面諗下用第幾行 Excel 回應佢，之後用 ALT + TAB 快速咁跳出 Game 再 copy & paste 去網頁版 WhatsApp 到，咁就可以入返 Game 繼續打。熟左之後應該唔駛 5 秒就可以入返 Game。

但要講電話就麻煩...

同班 Friends 打緊 LOL 做中路專心食兵個陣，電話突然響起，原來係女友打黎，接會令到我打 LOL 水準大降，比班 Friends 問候，唔接就比女友問候，不過我通常簡比班 Friends 問候就算。

因為女仔嬲起上黎咩都做得出，有冇試過比人禁慾一個月？我試過！我真係試過！！諗返起都嬲嬲地！

其實傾電話又唔係有咩特別野想同你講，只係講下今日所見所聞同埋講下是非咁，其實都幾無聊。

講多兩句你就想專心打返機，只後你既對話就得返「嗯」、「係咩」、「係喎」、「好呀」、「哈哈」呢埋好單調既回應。

好幾次比佢話我無心傾電話，之後就嘈交收場。

試多幾次最後緊係分手收場。

之後我識左個女仔，識佢個陣我都唔知佢會打機，係一次傾傾下計無意中講到 LOL，先知原來佢都有玩。

無耐，我地一齊左，我先知原來同識打機既女仔一齊係咁開心，放假唔再係以前行街、睇戲、食飯呢堆指定節目。

而係變左佢帶埋部 Notebook 上黎我屋企一齊打 LOL。

行街、睇戲、食飯只係間唔時先做下，我覺得比以前既生活充實左好多。

就算同班 FD 一齊食飯個陣講打機話題都唔怕悶親佢。

而家既我非常幸福，所以一定會好好珍惜佢。

記得搵女朋友一定要搵個識打機！