24/10(2)
夢見參加中學既遊學團去左英國，但我成日都唔跟團車想自己周圍去望下。今日成團人去做facial，所以我自己離團。
行行下見到一個舊同學，佢自己去左英國留學。佢入左一間機舖，我跟左佢入去，係一間好似賭場一樣既機舖，打贏左遊戲會有錢出。我見佢完全冇策略咁玩，純粹係賭錢。我走過去勸佢，但佢話自己唔賭冇錢留係英國。突然間部機響，而佢真係中左獎。
我自己先離開機舖，一出門口發現電話唔見左，我番入去大叫，我話要報警叫所有人留係度。
依個時候，只有一個男人慢慢咁行向廁所，我估係佢偷我電話。我跟住佢入去廁所要佢俾番電話我，佢笑我不自量力，我唯有用暴力解決問題。好快我就係佢身上攞番自己就，部電話。
然後我就離開機舖，行行下，發現頭先個賊既同黨係前面，應該係收到消息想攔住我。我扮到自己其實同佢地同一個集團，點知佢地又真係信我。
之後我上左架的士，打算番去旅行團既位置集合番。點知個的士佬係奸商，見我唔係本地人就坐地起價。我扮可憐話自己同團友失散左，其實我冇錢。點知佢又俾我呃到，仲話要免費車我番去。係公路佢突然cut線，但因為果條係專用線，咁岩後面有警車，所以警察響號要佢停車。佢就同我講，佢俾人扣哂分，再扣就冇得撈所以唔可以俾人捉到。
如是者，我地就係公路度左穿右插避開警察。經過一條隧道，好搞笑，左右兩邊有野食賣。但因為我地都冇錢，就決定開車過去然後快手搶走枱面既野食。
畫面一轉，先上左架旅遊巴，但並唔係我學校果架。有啲呀嬸係度講香港政治，話黃點藍點，我就同佢佢地一齊討論。
夢完