17/10
夢見去左一間麵包公司，然後誤打誤撞俾人叫左我去見工。又唔知點解我乜都唔識既情況下佢請左我。合約上寫明，我需要上公司既培訓課程，一年內唔可以辭職否則要俾番培訓同考牌錢。
第一日番公司，有個女人帶我行廠房然後又交左我俾個呀叔。呀叔問我學野學到邊，識啲乜？我答佢，我咩都唔識。之後佢就開始講解公司運作我知。我心諗，其實我真係唔想做，但簽左約都要捱一年，於是我每日就數住仲有幾多日就可以遞信。
畫面一轉，我番左中學，坐坐下有個老師走過黎同我講，佢推薦左我去應徵。我根本就唔知咩事，亦唔知應徵咩職位。
個老師話，冇所謂啦，我幫你處理下。然後佢發現，我在學時啲評價有啲低，有部分老師唔鐘意我。又話我學樂器，每年學⼀樣，學一年就唔學。我答佢，學識左就得架啦，唔需要學到精。你依家隨時要我彈琴打鼓結他長笛我都識咪仲好玩。
如事者攪左一輪就行黎行去，佢話，今次要見得成應該有啲難度。
我話唔緊要啦，我又唔係想做，另外有個師弟見左工都唔請啦。跟住我就拎左師弟個file睇，見到佢面試分數係7/12。
夢完