20/10
夢見有個朋友約我去玩，話我可以去一個車站入面坐去揸既小巴去會場。
於是我做完野就搭車過去，去到既時間係4點45分。但原來佢揸既尾班小巴係4點30分開出，而活動係5點開始。
我錯過左之好同佢講我第二日再去，佢話第二日可以5點先去到車站。
如事者，我又係4點45分去到，仲見到兩個朋友。但車站個牌寫住4點30分尾班車。係我地傾緊打算一齊搭的士去會場既時候，朋友同佢既小巴出現。
其實佢唔係職業小巴司機，只係配合活動方便我地，所以租左架小巴。當然仲有其他人，係真係坐滿架小巴既。
小巴要出發啦，我望住朋友既背影，見佢純熟既扣安全帶方式，我有一刻以為佢真係小巴佬。
到左會場，所有人都排隊入去。果度室內黎既但唔知點解係排隊果個地方會落雨，然後我又見到有個奇怪既人攞住雨傘柄。但佢得個手柄，係冇擋雨既果啲布。
入到去原來係玩卡game既，分左組有貼紙。
某啲原因，我出左去。再入番去時得知，原來每個人都有自己既超能力，要運用超能力去完成任務。
我既任務係阻止啲人掂到我要保護既人，而所有人都係戴住眼罩既，但我係有透視眼亦可將能力分享俾其他人。
於是我同一個識隔空取物既人合作，一齊完成任務。
夢完