10/10
夢見唔知做左警察定特種部隊，要去一個商場入面做埋伏，等交易時捉賊。
見到所有人之後聽到佢地講，今日要一次過殺哂我地。
我心知不妙，於是先下手為強，點知原來佢地食左藥，刀槍不入。我上左架車，開車撞啲人，都係冇用，唯有撤退。
我揸住架車駛向後樓梯，落左一層，左右都係門。我嘗試撞開左邊棟門，點知兩棟門都封左。於是我好似玩碰碰車咁，兩棟門左右左右咁撞，終於俾我開到。分別係兩間房，都有小朋友係入面，應該係間幼稚園。
當我出左幼稚園之後，係一個商場既2樓，我見到有犯人既手下。我攞刀拮佢頸，點知佢都係刀槍不入。係佢口中，我得知，原來佢地食左一粒藥，有24小時功效可以刀槍不入。
(依一刻，我突然俾人叫醒左。一起身，個人暈得好緊要。)
夢完