13/10 (2)
夢見去左旅行，有我哥同佢既朋友，仲有啲三唔識七既呀姨。
唔肯定係咩國家但一定係亞洲
夢一開始係響個商場度自由活動，我同我哥去食左啲野。之後番住既地方。
好奇怪，我地最少7個人。有兩個呀姨，兩個後生女，我，我哥，同一個我哥既男性朋友。但我地住同一間房，所以我估係度假村黎。最奇怪係，沖涼位同廁所係響門口，正正大門一開就係，仲要係開放式。
我等到所有人沖完涼我先入去，費事望到人地。到我沖涼既時候，啲人係咁望住我。兩個後生女仲走過黎一齊淋身。開初我係着住衫褲沖涼，但後尾我真係忍唔住除哂。佢地望住我又摸我，然後我嗱嗱聲沖完就走。
畫面一轉去到最後一日，係酒店入面食到會同玩水。有個呀姨走過黎問我覺得佢依個旅程安排成點，佢覺得自己好叻，日日都好充實。
但我就直接講，我話日日都係行商場同係酒店，出面既野我咩都冇玩過，都唔知自己係咪去左旅行。
佢又問，叫我舉例佢做得最好既野。我話，不如你問我有咩唔好我會易答啲。
夢完