19/10
夢見去左一個工廠，工廠隔離又有一塊好大既草地。我既職位應該係我副廠長我估。
一去到，老闆出黎帶我行左個圈又同我講叫我之後幫佢處理一啲蕉葉堆。
之後老闆就番左去廠同廠長開會。我就自然四圍去。見到啲員工無所事事咁坐左係度，中間有一部機器，用黎分提子。紫色既會入落盒，青色既會飛出黎。
行行下，我見到一部夾公仔機，於是我走埋去，原來係免費玩。仲好易夾，夾下夾下，我夾哂入面啲公仔出嚟然後捧左番入廠。
之後又係廠入面行左陣，聽到有員工講就黎食飯，我又去餐廳八卦下。原來啲員工每日都係咁，坐係度望住機器做，然後就等食飯，之後就等收工。
我又行番入廠，見到老闆同廠長，我就問佢地係咪去食飯然後一齊行。
行過蕉葉堆，老闆問我點解冇做過野。我答佢因為入左廠做野，其實我係已經唔記得左。
佢話，我望下閉路電視同聽聲都只你做過咩黎啦！當下，我承認左我係有玩部夾公仔機。我話自己玩左一陣。
佢就問廠長，佢地開左幾耐會，話我佢地開幾耐我就玩左幾耐。仲話我咩都唔做請我番黎做乜。
於是乎，我就急才上身。同佢講我就圍行其實係要了解個廠同員工。將我見到既問題一次過掉晒出黎，我話佢間公司好有問題，包括環境機器同員工，需要我幫佢遂一解決。
點知佢又覺得我好有道理，話我表面係玩，其實留意緊身邊既野。
之後我地就一齊食飯
夢完