妳問我，點解會返呢份工？
人生呢個問題，你以為每個人應該都有唔同答案。
但係香港你只會聽到好多一樣標準答案。
好好讀書，好好賺錢，買到樓結到婚就成功。
生仔都有一套公式，贏在射精前，人生呢個遊戲真係要包括埋下一代，上一代可能生仔無咁多考慮，養兒最多都係防下老，呢個時代生仔有好多原因令佢會早死。
學業啦，感情啦，欺凌啦，咁以前莫非又無呢啲問題？
答案緊係有嘅，但係係考慮到呢啲問題之前，以前大家嘅讀書機會唔多，少咗思考人生呢個部分，大部分嘅人生就係返工，一係就係賺錢養活家人，無咁多時間去諗理想同未來。
規畫自己嘅人生需要由大到細，即係先睇生存嘅社會最後先到個人考慮。社會畸形由你未出世已經係咁，家庭靠著略形社會生存，因為你要生存需要配合個社會，而社會就會變得咁畸形，錢是工具更係最恐怖嘅毒品，以前靠雙手唔會捱餓，而家靠雙手最多唔會餓死，想要生存或許唔難，難在社會絕望感越來越大，大到睇到嘅每一吋尺土都唔係屬於自己嘅，外來人種文化衝擊，本土喺幾十年就會變成佢地，外來文化取代咗本土地位，就連生存喺呢個社會嘅人都覺得無問題，人唔自救，邊個會救你。
出世無得揀，因為好多巧合先會誕生一條生命，當然亦有充分準備嘅，早早喺射精之前就準備好一條路比佢，可能當佢喺自己嘅私有財產啦，可能諗佢廢極都仲有條件可以係社會謀生路，當然好多人都係為咗小小錢去生存，因為佢地有負擔，有責任，夢想局限咗係某個部分。
例如係支撐家庭運作落去。
例如係儲多個錢老咗唔使打工。
人生變成係錢驅使之下先有嘅考慮，消費為先，錢用晒再賺過，朋友見面，搵男女朋友，買吓心頭好都要用到佢，點可以唔睇佢頭先。
所以點解要返呢份工，一嚟係因為讀咗科自己勉強應付到嘅學科，又咁啱可以用嚟搵工，又咁啱份糧可以比我用嚟追妳，所以就有呢餐飯，有呢個問題，有我呢答案，有呢個回答你嘅時候。
