每次聽到妳講呢句，我都會下意識搵一搵背囊，因為我驚無帶套。妳嘅說話習慣好有自己一套，我學習理解已經同學緊摩斯密碼無分別，可能女仔講嘢永遠都唔會咁直接，記得第一次妳問我呢個問題我以為自己太污糟，見到妳面紅紅係咁叫我剪，我話遲啲剪唔得咩，跟住妳嬲咗我，果陣我仲1999，唔明妳嬲乜春，到第二次你問我嘅時候，今次係酒店房裡面，我就知道啦，屌，我人生竟然扑少咗一次，蝕到入肉啊。

呢次經驗令我開始對妳嘅問嘅問題唔再單一角度思考，呢種被開發出黎嘅特技令我每次聽到問題都會諗多一陣，提防我太單純諗嘢太單一，最終錯過咗啲重要嘅嘢，但亦係咁嘢有一段時間我都疑神疑鬼，成日都覺得妳諗嘅嘢無咁簡單，成日都金田一上身，最後搞到返工應同事都要諗多幾諗，佢地發現我轉數好似慢咗幾拍，行緊56K咁，我話係女朋友訓練導致，最後當然比佢地笑咗好耐，我先發覺人拍咗拖以後真係會有時迷失自我。

或者係細細個就比電視劇薰陶長大，每句說話背後都總會有一個陰謀存在，原本一句簡單嘅說話點都會修飾一下，可能婉轉係天性，就算同自己最親嘅人講嘢都唔可以太直接，點都要比佢自己去諗到為止，簡單直接嘅說話往往講唔出口，有時候可能係一種情趣，有時亦可能係一個炸彈，可以講出口嘅說話點解唔敢講，可能係妳真係太怕醜，或者只係妳習慣咗咁講嘢，就算係最熟悉嘅朋友都會有唔清楚對方嘅地方，點解唔直接啲？

「屌我。」

「好啊。」