呢個問題應該無咁單一同簡單。
首先我唔可以代表晒所有男人，只係單純以我嘅角度黎睇波係一種追求，係香港最主要比人談論嘅多數係用腳果種或者係用手拍吓拍吓射籃果種，但要解釋鍾意睇波應該從用腳踢果種會比較好啲，成班男人追住個波九十分鐘，用盡對腳將個波送入龍門，大家都遵守規則，單單用腳去引導個波一步一步向敵方攻去，果種熱血同興奮我諗係細路無憂無慮嘅時候顯得有成功感嘅一回事。
細個大家可以透過一個波去認識對方，男人之間嘅友誼，一齊踢波簡簡單單，唔使對住繁重嘅功課，大家你來我往，交流球技，彼此唔使計算太多，將一件事做到最好，透過合作完成一件事嘅成功感無嘢可以取代。話說回來當人大個踢波都無時間唯有變成睇波，睇住另外一堆男人追住個波跑黎跑去，再將自己代入角色，自己支持嘅球隊勝利，好似自己踢入波咁興奮，男人之間由細到大嘅話題都可以咁單一，細個就踢波，大個就睇波，為嘅都係同朋友搵到一種志趣相投嘅感覺，波就係男人友誼嘅連繫，踢又好睇都好，波都有一種魅力可以令男人嘅友誼連結。
不論幾忙都好，你只要SEND一句今晚決賽一齊睇波，就算聽日要返早，三五知己都會有同一種默契。
「聽日射波啦！」
但係妳眉頭一皺表示不解。
「我問你點解咁鍾意望啲女個波啊？」
嗯，留待下回分解！
