你遇到這樣一個人嗎？
同佢傾計，
唔洗好耐就已經有種識左好耐既感覺。
講野唔洗就住就住，可以粗口橫飛，講野可以好隨意，唔洗多諗。
感覺好自在，可以做番自己。
同佢一齊，
會唔介意將自己既柒野同小秘密話佢知，亦都唔介意比佢日日笑你柒。因為見到佢笑到咁樣樣，你反而仲開心。
呢個人，
你會願意同佢分享你生活上既所有野，不論大小，即使係，你痾左幾多舊屎，你都會極想同佢分享。
你地之間，
會互起好多花名。
有時喺街行行下，或者係喺office做做下野，
都會無啦啦自己講一次個花名出黎，然後喺度自己偷笑。
有時喺街行行下，或者係喺office做做下野，
都會無啦啦自己講一次個花名出黎，然後喺度自己偷笑。
有好多笑話，
都係你地專屬，
只有你地先識on99喺度笑。
有時，仲會喺街笑到比人望......
你開心既時候，
第一個就會搵佢，話佢知，想佢聽倒之後都一齊開心。
你傷心既時候，
第一個都會搵佢，想佢開解下你，想佢氹下你。佢幾句說話，可能就已經可以令你安靜落黎。
佢，亦都可能係唯一一個可以令你安心既人。
到佢開心既時候，
你都好希望佢會同你分享，因為同佢一齊開心你就會好開心。
到佢傷心既時候，
你會希望佢第一個就搵你傾訴，因為咁樣會令你覺得自己喺佢心目中係重要的。你會同佢一齊傷心，心痛佢，希望可以即刻喺隔離攬住佢。
每次同佢一齊，
你都希望時間唔好過得咁快，
最好就一直停留喺嗰個moment......
鍾意既請like and follow my page^^
https://www.facebook.com/ineverwearnightgown/
