我，Angus，今年三十三歲！
大學畢業後，喺一間本地IT公司做程式開發員！
十年嚟從沒有任何改變！
當然，某些東西也是有轉變的！
例如：
我從初級程式編寫員，晋升為高級程式編寫員！
人工也從當初可憐的$9,000，加到現在的$25,000了！
而最重要，經歷了三十一年A0的我，總算於兩年前脫離了這個可憐的行列了！
可喜可賀，可喜可賀！
這都多虧了我那少得可憐的薪水，才能認識到我的女朋友，Angel！
其實在開始踏足社會後，為了幫補自己的生活費，我堅持每星期也會替學生補習！
Angel正是我其中一個補習學生！
她比我少七年，一直替她補習後，終於在兩年前成功追到她了！
她是一個非常好的女孩，對我非常之好，而且也不嫌棄我人工不高，公屋出身等等！
基本上，所有港女的要素，在她身上也找不到！
我一直都相信，我同佢係天造地設嘅一對！
如果……唔計佢嘅屋企嘅話！
Angel住嘅地方係沙田私樓，老豆老母分別係公務員同醫生！
單單係呢個背景，我已經知道見家長對我嚟講，絕對比死更難受！
其它仲未計佢啲親朋戚友，生活圈子等等！
所以拍拖呢兩年，Angel一直要我上去同佢屋企人見面，我都好似香港政府遇到市民訴求咁，大耍太極，務求避開同佢屋企人見面！
但任你太極拳法造詣再高，每逢大時大節都好難避免同你另一半交代！
始終香港人，大部份都仲喺有果啲所謂傳統劣根性，拍拖又好，結婚又好，都唔會係兩個人嘅事！
所以去到拍拖第二年，喺避無可避嘅情況下，我終於喺Angel嘅父母面前出現了！
我當然唔會咁白痴，單獨去見佢地啦！
我揀咗大年初一，佢所有親朋戚友都喺度嘅時候出現！
你可能會問：「吓？唔撚係呀？一大班三姑六婆你先出現，仲唔俾佢地問到體無原膚？」
少年，你會咁諗係因為你太年輕啦！
我揀呢個日子係經過無數計算嘅！
首先，一大班三姑六婆聚首一堂，好多時都會各自有不同目的，喺目標眾多嘅情況下，我受到攻擊的機會自然降低！
第二，對於一個都叫陌生嘅人嚟講，第一次見面，點都唔會問到咁深入，最多都係旁敲側擊套下料，所以要避重就輕應該無難度！
第三，大年初一嘅情況，由於係抽時間過去拜年，所以逗留時間可以有咁短縮到咁短，咁樣都會大大減低受傷嘅可能性！
仲有……呀！呢啲唔係重點，重點係我套用咗以上嘅計算後，我的確無受到咩為難，而且仲拎咗好多利是添！
就喺我準備脫離戰線嘅一刻，Angel老母竟然放出一下冷箭！
「Angus呀，今日招呼唔到呀，過年之後搵日上嚟屋企食餐便飯啦！我同世伯都想同你傾下計！」
我被這一下嚇得慌了！
「冷靜！仲未輸架！只要呢一刻唔應承實，就仲有轉機！快啲俾個藉口敷衍住先啦！」
我轉過頭來，準備敷衍了事，想不到Angel竟給我致命一擊！
「得啦媽咪，我同Angus之後會返嚟食飯架啦！」
就是這一下，將我推落去無盡嘅深淵！
「喂！Angus，做咩成日神不守舍咁呀？」同事看我整日在發呆，忍不住問。
「吓？無……無呀！聽日約咗我女朋友，返佢屋企食飯兼……兼見家長者！」說話時也忍不住顫抖起來！
「吓？唔撚係卦？」公司裏餘下的同事，不禁一起發出驚歎嘅聲音！
那種像是驚恐，像是哀悼的聲音，教我不寒而慄！
「咩……咩事呀？食餐飯者，唔駛咁嘅聲呀？」我固作鎮定！
他們相對而視，眼神皆流露出同情的眼神！
「唉，細路，你第一次拍拖我唔怪你！但見家長……真係唔講笑架！」
「講真，你無樓無車無錢，去見家長咪者係送死！你依家嘅情況，就好似無著裝備，無升等級去挑戰最終Boss一樣，死路一條！」
「我勸你有咩未同你女朋友做嘅，好今晚一次過做埋佢啦！呢度有個0.01，私人醒你啦！」
「痴線架你地，佢……佢地唔會咁對我嘅……我諗……」講真，自從上次新年去咗拜年，我就知道同佢地嘅差距係有幾大，唔擔心就假啦！
不過，我相信……真愛係可以戰勝一切！大慨，應該，可能，如無意外嘅話……
「你地唔好咁樣嚇Angus啦！你聽我講，唔會有事架Angus！想當年我搞呢間公司之前，咪又係咩都無，見完家長之後一樣有雞髀食！所以唔駛驚，去馬！不過你記住執埋啲手尾先好去喎！仲有你地，唔好圍晒喺度，返去做嘢！」講嘢嘅係我老闆，佢屋企本身開物流公司，係一個富二代，出嚟做嘢問屋企人拎咗幾球嘢去開公司，係正宗離地到爆嘅富二代！
之後，其他人返埋位做嘢之前，都露出一個送我去死嘅神情！
唔通，我真係金翅仆街鳥！
去到見家長當日！
「Angel呀，我真係有啲驚呀，陣間你爸爸媽媽問我嘢，我驚佢地睇我唔起，又唔俾雞髀我食！」事實上，嚟見家長之前，我喺討論區開post問見家長如何不失霸氣，結果都係RIP嘅留言居多！再加上我翻睇咗「公屋潮文」好多次，愈睇就愈灰，今次睇嚟都係兇多吉少架啦！
「雞髀？你又知我地今晚有雞食嘅？唔駛驚喎，上次過年你都見過佢地啦！佢地好Nice架，唔會為難你嘅！仲有，無論點都好，同你拍拖果個係我，我唔會掉低你架嘛，係咪？好啦，唔好講咁多啦，我地上去啦！」Angel親切的挽著我，但我卻像是準備送到刑場行刑的犯人一樣！
既然避無可避，唯有拼死一戰啦！
最多咪壯士一去閪不復還！
閪？好似唔係閪喎！唉，是撚旦啦！
我站在Angel大門外，遲遲不肯按下門鈴！
「你做咩呆咗呀？快啲撳鐘啦！」Angel強行按下我的右手，碰到門鈴的一剎那，尤如宣判我的死刑！
大門打開了，迎接我們的，是Angel的母親！
「你地嚟啦！唔好企喺出面啦，入嚟坐啦！我入去準備埋啲龍蝦同鮑魚就開得飯啦！」
單是伯母這短短一句，大家應該知道這是一個怎樣的家庭吧！
「阿媽你做咩自己整餸咁辛苦呀？叫工人姐姐求其整咪得囉！」無錯，佢屋企係有工人嘅！
「唔得！Angus第一次上嚟，我一定要親自下廚嘅！你都係呀，由細到大都唔識煮餸，第時結咗婚，唔通下下叫工人煮咩！」吓，結婚？工人？你俾我呀，我點請得起工人呀？
「阿媽你講咩結婚呀？好衰架！」Angel嬌羞地說！仆街，唔係你都諗住我請得起工人呀？
「唔好講咁多啦，阿女你入嚟廚房幫我手啦！Angus你去廳度坐陣啦，世伯喺果邊，佢會招呼你架啦！」伯母二話不說把Angel拉進了廚房，餘下我獨自一人站在門前！
「招呼？用刀定用劍呀？今次仆街啦！」我看著客廳，只見世伯拿著一份全英文的報紙，我如何才能夠在這段時間生存下來呢？
我慢慢的走到客廳，看著世伯，思考著應由我開口，還是裝作時運高，看不到他算了！
就在我猶豫之際，世伯開口了：「咦，Angus？你嚟咗啦？啱啱睇報紙睇得太入神，無留意添！隨便坐啦！」
言下之意，就係佢由始至終都無放我喺眼內？
傻啦，可能佢真係太入神無留意到我者！
我禮貌地說了兩句，屁股還沒有碰到梳化，便已聽到世伯的提問！
「係喎，Angus，之前拜年都無機會同你傾計！你做邊行架？」來了？考驗要來了？！
「我.…..我做IT架！即係自己設計手機App果啲！」我口窒窒的回應！
「手機App？之前幾年的確係唔錯喎！不過呢幾年愈嚟愈普及愈嚟難做，會唔會生存得好辛苦呀？」
「都都都唔會呀，雖然個市場係艱難咗，但呢行始終都係大勢所催，點都有得做嘅！最重要係我地點變通嘅者！」呢幾句嘢都係抄我老闆，應該無死卦！
「哈哈，你講得啱！最緊要識變通！好似我做醫生咁，人地睇起嚟好死板，但一樣要變通先可以生存到！唔係淨係睇啲街症，真係點養得起成頭家！係呢，你公司幾多人呀？」仆街？佢唔係誤會咗間公司係我開架？
「連埋Marketing，Account果啲，三十人左右啦！」算啦，我答問題者，又無講大話，應該唔緊要嘅......我諗！
「三十人，都叫有啲規模喎，有無諗過將來點樣發大嚟搞呀？」仆街，你仲問，我點知我老闆諗住點搞呀！
「食得飯啦！老公，Angus，唔好掛住傾偈啦，過嚟食飯啦！啲海鮮凍咗唔好食架！」伯母一聲開飯，把我從世伯嘅對話中拯救了出來，但殊不知這只是另一個深淵嘅開始！
咦？奇怪？有鮑魚有龍蝦有蟹，乜海鮮都有，但無雞嘅？
唔通伯母咁好死，真係放過我？
就在我放鬆心情食海鮮嘅時候，佢地屋企嘅工人突然返咗嚟！
「Mum，我買咗白切雞啦，係咪依家拎埋出嚟？」
「Maria，等咗你隻雞好耐啦，你幫我擺好盤之後就拎出嚟啦！」
金！翅！仆！街！鳥！
我都估到佢地唔會輕易放我走架啦！
雞，已上桌！
那一刻的氣場仿佛改變了似的，我感受到，隨時都有可能葬身現場！
接下來的一問一答，將會決定，我究竟有無雞髀可以食！！！
「係啦，Angus，頭先咪問過你，你公司搞IT嘅！咁你公司開喺邊一區架？」先出招的是世伯！
為求渡過這種場面，我已經在家裏練習了無數遍！
我會答一些模稜兩可，既不會令Angel感到奇怪，也不會失禮他們的答案！
大慨回答了七八條問題後，他們看來也滿意了！
「哎吔老公，我地都唔好再問啦，隻雞都變凍咁滯啦！嚟，Angus，雞髀啱唔啱呀？」伯母笑著問我，我知道今天的測試是完美的渡過了！
就在伯母的筷子快要碰到那雞髀，我也準備笑著回答「唔駛咁客氣」嘅時候！
最後一條終極問題來了！
「係喎，傾咗咁耐，都未知Angus你住邊添？」世伯把這終極絕招給施展出來，伯母的筷子也像中了魔法般，停在那雞髀上動也不動，大慨是等待我這最後的答案吧！
「哦，我……我咪住九龍塘果邊囉！」我在家裏模擬回答了這答案無數次，相信不會露出任何破綻！
事實上我也沒有說謊啊，我真係住喺九龍塘果邊嘅石硤尾公屋架！
看著世伯伯母四萬咁口，我知道我把這終極難關克服了！
我等待著伯母把那雞髀送到我的碗裏，但……這個時候……我竟被她狠狠的跣了一嘢！
「係呀，Daddy！Angus住果間屋好大架！附近又有大排檔又有街市，煮飯都不知幾方便！不過我未試過喺佢度煮飯咁解者！」Angel不帶一點邪念的說出這驚人的事實！
就在那一秒，我看見世伯伯母二人的臉色由四萬咁口，變到一副想吃人的樣子！
雖然只有短短一秒，我真的感到他們那種能殺死人的氣勢！
那氣氛尷尬得很，我也不知道應如何開口才好！
「哈哈，乜九龍塘附近有街市架？我地兩個老人街太耐無去唔知添！」伯母的聲音變得平實，我要死了嗎？不，還可以的，快想一個合理的答案！
「係架媽咪！石硤尾果邊個街市好方便，雖然污糟咗啲，但好多嘢買架！上次我仲同Angus去大排檔食飯添！」Angel毫不在意的繼續說，完了，這次真的完了！
我尷尬的看著他們，等候著伯母像「公屋潮文」般，感到頭痛回到房去！
但沒有……惡夢仍在持續……
「嗯……咁都好嘅，石硤尾果邊啲公屋都幾方便嘅！」伯母在說「公屋」二字時，刻意提高聲量，真的像一把把利劍刺進我心中！
「咳咳！唔緊要嘅，Angus叻仔嚟架嘛！公司果邊發展得好嘅話，過兩年搬去九龍塘都唔係咩難事者！」看來我在世伯心中留下了一個好印像，他竟嘗試為我打圓場！
「係架！Angus好犀利架！佢好幫得佢老闆手架，依家電話有幾個Apps佢都有份寫架！」天啊，Angel再一次完美的把我送進地獄去了！
那一刻，那濃重的殺意在屋內漫延，我只能低下頭來，等待兩位判官宣判我的死刑！
想不到整個晚上，我鋪排了這麼長時間，竟然毁在自己的女朋友手上！
看來我跟她真的是有緣無份了，我深情的看著Angel，心裏想著：「再見啦！」
然而，下一秒，我聽見伯母的說話，竟然不是逐客令！
「咳！其實點都好啦，最緊要Angus你對阿囡好者！年輕人肯搏肯捱，一定有機會嘅！嚟，食隻雞髀啦！」只見伯那凝固了的筷子再次移動起來，她把筷子移到另一邊的雞髀，然後把雞髀夾進我的碗中！
這……這是真的嗎？
我不是在發夢吧，我感到眼淚像馬上要湧出來了，難道……這就是真愛嗎？
呢個世界唔係所有人都向錢看嘅！
「公屋潮文」又好，網上傳言又好，公司同事的冷言冷語又好！
我不應該盡信的，今日過後，我要喺討論區發文，話俾人知世上係有真愛！
世上係有人唔向錢看嘅！
我內心一邊淌淚，一邊把雞髀送進口中！
這口雞肉，是我這一生人中，食過最好味嘅雞肉！
多謝你呀伯母，我會好好照顧你個囡架啦！
咦……人呢？佢地去晒邊呀？點解咁光嘅？
「醫生，病人清醒咗啦！好，即刻幫佢檢查！」
發生咩事？我明明喺Angel屋企食緊飯架？點解……
「病人各方面正常，準備……」我在聽到一輪嘈吵的聲音後，我感到自己失去了意識！
清醒過後，喺屋企人同醫護人員嘅講解下，我先知道我已經昏迷咗好幾日！
了解過後，我好似因為食物中毒搞到昏迷咗咁耐！
之後，我發現自己手機入面有一個寫住女朋友嘅電話號碼，我嘗試打過去，但發現個號碼係無人用嘅！
究竟我昏迷之前發生咗咩事？我一啲印象都無！
直至到某一日，我喺街度見到個女仔，所有記憶返晒嚟，我知道果個女仔喺邊個！
佢係Angel，但佢已經拖住另一個男仔！
我本來想問Angel，當日發生咗咩事，但當我想行近佢果陣，我發現身體震得好勁，本能話俾我知我好驚！
所以我放棄咗！
第二日，我睇新聞，發現尋日見到Angel拖住果個男仔，因為食物中毒入咗醫院！
唔知道……佢係咪都喺Angel屋企，食咗一隻不能食嘅雞髀呢？
點都好，我已經決定咗，以後都唔食雞髀！
因為，有啲嘢，唔屬於你，就係唔屬於你！
我都係繼續返工，得閒落大排檔食下飯算啦！
.jpg)
