好耐無執起支筆去寫自己既故事 因為踏入九月開學啦 開始忙
但係原來大學忙既唔係忙上莊忙功課忙上堂忙番工
最忙既 原來係識朋友 特別係我呢D毒撚
要重新去識新朋友 重新建立一段關係 原來好辛苦
或者 我根本唔想花心力去建立新既關係
不過都係純粹9UP下 以下先係正文 嗯

經過一些秋與冬
一開始 我連怎樣令自己開心也不知道 但不知哪來的自信 我想令你笑
因為見到你笑 我自然也會跟住一齊笑
好奇怪 本黎我係一個無咩表情既人 個個影相既時候都會笑得好燦爛
唯獨我木口木面 永遠只有一個表情 就係無表情
但係望住你既時候 嘴角卻會不知不覺間往上揚
直到你問我:笑咩呀你 見到我爆瘡好開心咩
我先發覺 係你身上我學到新既技能 就係笑
然而經過一些秋與冬後 屬於我們既大樹還未刻上厚厚既年輪 就已經開始落葉

我們之間抵擋不住冷戰的寒 就在這城市迷宮中走失了
我們這次 捱不到春天了
仲記得岩岩分開既頭半年 有個朋友同我講 好耐無見到我笑
我試著令嘴角上揚 但佢卻話我笑比哭更樣衰
仲記得之前寫過一篇文 問如果要為"如果"接一句歌詞 大家會接D咩
最近 我會話 如果 准我 重新學過可會白頭
人好奇怪 失去左先會識得珍惜 先會明白要反省
就好似陳浩然一樣 以為自己感覺失了蹤 失去左先發覺
自己將一D野視為理所當然 之後先黎後悔
喂 陳浩然
香港呢個城市真係好細 總會在某D時候撞番你既高小曼
咁耐無見 你還好嗎? 其實好多說話想講 但把口卻唔爭氣地吐不出半粒字
望住你 嘴角依舊會上揚 因為你仍舊係哥個可以令我笑既人
只係 唔再屬於我
總有一個人 讓你永遠記得 你自己多差 然後你再也做不了壞人
點解會做不了壞人? 好簡單
無法去愛新既人 就再也做不了壞人
{如果准我 重新學過可會白頭}
{得到的 若期望有限期}
{失去的 未重聚已別離}
{後悔如我 遍地}
https://www.youtube.com/watch?v=nwObYQkSC8w
.
.
.
如果喜歡我的文章 歡迎到我的Facebook點個讚
你們的讚好 就是我最大的動力
讓我在追夢的路上 有你們的陪伴 謝謝