幾個禮期前 有一個中學時候同我同班左六年既女仔公開佢出Pool既消息
還記得中學時期 佢成日會問我 其實佢係咪會成世都拍唔到拖
每次我都話唔會 佢各方面各條件都OK 終有一日會搵到
而作為佢既好朋友 聽到佢出pool理應一早恭喜佢 然後祝福佢呢一份初戀
但前幾日正當我同佢傾計 傾到佢段感情既時候 佢卻話
分開左啦 覺得唔岩
我問佢點解唔岩 佢苦笑無出聲 卻反問我一句
其實 係咪唔會搵到岩既人
哥陣我唔識答佢 安慰完佢 對話就結束了
之後停下來我係度諗 到抵咩先叫岩
兩個人一凹一凸咁樣就叫好? 兩個臭味相投就叫夾?
兩個人火星撞地球就叫唔好? 兩個意見不合就唔可以天長地久?
然後我係屋企兩老身上搵到答案

還記得細個既時候佢兩個真係好似火星撞地球咁 成日都會嘈交
內容係乜就唔清楚 不過好彩既係兩個都好小朋友脾氣
今日鬧完 聽日就下左啖氣 後日就無事
隨著年月既增長 鬧交既次數明顯少左 但卻有個問題困擾住佢地
就係放假既時間唔同 你放禮拜一 佢就放禮拜三
於是一個話無得一齊去街 一個話放假無左另一半好悶
幸好最近可以夾得掂每個禮拜一齊休息 再一齊遊覽呢座危城
還記得當老豆番屋企同呀媽講話以後可以一齊放假既時候 兩個對望一野然後會心微笑
縱使老豆平時唔識浪漫 但呢一野雖然唔甜蜜 卻有點窩心
而呀媽唔洗講啦 老豆中意食野 個口長期唔停既 所以買一堆生果係度 等佢雖然食 但係卻會食得健康
佢地兩個一開始睇落又岩咩? 我又唔係好覺 咁多年入面 甚至會諗過分開
但係呀媽到最後都係話 兩個人有D野係要忍既
或者下次再遇到呢位朋友 我可以將呢段故事講番比佢知
然後同佢講 沒有一百分的另一半 只有五十分的兩個人
再祝福佢 下一次 可以找到對的人
{誰要花一生　尋遍遠近}
{那個散落的吻　已預約於這地球等}
{只差一點好時辰　主角　始終會等到}
{苦澀　只不過鼓舞}
https://www.youtube.com/watch?v=IpGDCi-kVIY
.
.
.
如果喜歡我的文章 歡迎到我的Facebook點個讚
你們的讚好 就是我最大的動力
讓我在追夢的路上 有你們的陪伴 謝謝