【認真賤咀】《體育界就係太大貢獻先唔比發展》

今年奧運超級真係超級冇氣氛，差D完撚咗都唔知。雖然好可惜香港隊一面獎牌都攞唔到，但多得港獨之父689支持，今年香港人注意香港隊嘅程度係歷屆最高，賤咀一句

『體育界冇貢獻？就係體育太大貢獻香港政府班仆街先唔比發展體育！』

一直以來要凝聚一個國家最好嘅方法就係製做假想敵，由第一第二次世界大戰，到近代恐怖主義vs反恐主義都係一撚樣，有邊次唔係「而家XXX對我地構成極大威脅！我地一定要團結起嚟打柒班仆街！」上面嘅XXX你可以隨意填入『德國／英國／美國／ISIS／列回主義／極端主義』乜撚都得，我問你乜撚野係列回主義，乜撚野都唔係因為係我9 up嘅！對手係邊個根本唔係重點，重點只係製做一個稻草人等所有人嘅槍頭對外，咪冇人攻擊自己囉！

咁關體育乜撚事？如果而家已發展國家攻打已發展國家，成本太高得益亦太低（唔係個個國家下面都有石油），最好嘅方法咪搵一班人嚟代表國家同其他國家比賽囉。你睇下係奧運呀、世界盃E D 時間，全世界個個人都愛國主義上撚晒身身，明明平時淨係睇埋D TBB式垃圾劇，忽然都會係度大叫XX加油！E個咪體育界最大嘅嘅貢獻囉，如果真係為咗國民健康不如推撚晒佢地去跳仆街大媽舞算啦！

咁點解香港唔發展體育呀？咪就係因為佢太有用，太會團結到一個「集體意識」囉！你睇下今年奧運幾多人大叫「支持香港隊」同埋見到中國輸就開心，你就知體育界嘅貢獻有幾大。只係E種大唔係鄰國想見到嘅大之嘛，而家中共一路做緊嘅就係瓦解我地身為「香港人」嘅集體意識，將我地強行拉入「中國人」嘅意識之中。

係世界舞台上出現「中國對香港」，其實係中共立場係好撚憎E件事，因為一來變相承認香港係獨立個體，二來再港豬嘅港豬係E個時候都會暗暗叫到「香港加油」，咁咪即係反緊共囉。所以政府一直對體育嘅立場都係『唔鼓勵、唔發展、唔支援』，不斷叫D學生唔好玩運動；租場冇優惠；運動員又冇資助，甚至出口術話體育界冇貢獻，咪就係等你班運動員慢慢係世界舞台消失，咁你班香港人咪可以全心支持『國家隊』囉（我屌）

其實香港運動員正正係香港精神嘅代表，咩精神？『靠政府？食得屎啦，自己頂硬上啦』 亦因為咁，我地要無論點都要全力支持香港運動員！唔理第幾名、有冇獎攞，都一定要撐！因為香港運動員係香港本土精神嘅堡壘。你諗下如果下一屆奧運，香港已經冇代表隊，唔通你又真係可以跟住CCTVB叫『中國加油』？

賤咀格言

『賤咀唔賤格 。純屬主觀。絕對偏頗 』

總有一篇有共鳴。總有一篇會中槍

#賤咀男 #認真賤咀

快D Like埋我FB 同 IG 睇埋【賤咀一句】
https://www.facebook.com/badmouthguy/
https://www.instagram.com/bad_mouth_guy/