【超認真賤咀】《點解要投票，投票以外做D咩，投比邊個》（長文）

唔好走住！比十秒我！我知講親政治有D人會覺得好煩！我已經盡量精要去寫，如果你仲關心你住緊嘅地方麻煩你睇一睇！至少睇左第一part先

【超。認真賤咀】《點解要投票，投票以外做D咩，投比邊個》（超長文）

《點解要投票》

Q：『立法會選舉關我撚事？政治野唔好煩我』

賤咀一句：冇問題！只不過如果你都想

以後食野唔洗擔心係黑心食品
可以買到樓
辛辛苦苦賺番嚟嘅錢夠退休用
求下你星期日去一去票站，跟住下面個號碼投票

香港島 – 7 鄭錦滿
九龍西 – 13 游蕙禎
九龍東 – 11 陳澤滔
新界西 – 13 黃俊傑
新界東 – 19 梁頌恆
超區 – 803 鄺俊宇（真係純粹為左唔好比呀鼎贏）

想知原因同埋投票以外可以做乜，麻煩睇埋落去。

《投票以外做D咩》

先利申左先，我係本土派，支持青年新政，但如果熱普城當選一樣支持。如果你係建制派E個Page唔啱你睇，要unlike請隨便。

無論你係唔夠歲數投票，或者一早已經決定投邊個，你都仲有其他野可以做。
放心，唔係叫你做義工、洗樓（當然做埋最好），係屋企唔洗郁好冇？

面對現實，距離選舉得番幾日，如果你屋企人係傳統建制藍絲，就算你有三十寸不爛之舌，你都冇可能叫到你呀媽投本土派甚至保守民主派（叫你呀爸投遊主任都仲有可能lol ）。但你可以用其他方法增加你意屬嘅候選人當選嘅機會。

【木馬入城】
上網搵D大熱建制派嘅頭版負面報導，一定要大大隻字果D，印出嚟再剪走報紙名，間中唔覺唔覺咁扮漏咗張係枱面。屋企問起話係通識功課，千其唔好同佢討論民主唔民主，你越講佢越懷疑，記得配合埋下面果招一齊用。

【倒票落海】
相反，要叫你呀爸呀媽投其他建制派就有可能得多，又唔怕會同佢地鬧交。所以你可以慫恿佢地投D冇可能當選or兩害取其輕既人選，分薄建制票源。

以下係參考對白，講嘅時候要注意幾點

問之前先探下佢地口風，如果佢地本身諗住投垃圾就唔好出聲
千其唔好否定佢地！亦唔好提「民主有咩好」，唔好提「點解要拉布」，佢地一聽到就會著左抗爭mode，咩都聽唔入耳
用多D佢地鐘意嘅字眼去讚候選人，例如『穩定』『發展』『務實』『唔玩政治』 (基本上去睇下禮義廉poster用咩字眼就ok)
講佢地貼身嘅野，係工人就話「佢撐勞工」，撐警嘅就話「佢支持警察」
講清楚係咩黨！佢地聽到「工聯會」「自由黨」就會放心好多
講號碼，一來講名佢地跟本唔記得，二來如果講名佢地有機會發現果個人根本冇人識
如果你屋企人係會睇下個候選人資料嘅話，先講D踩界人選（如王維基）
（超超超超利申：以下對白唔係我立場）btw我知下面有D人係泛民唔洗話我知

對老港豬用地圖炮
『哇公公婆婆你有冇收到區議員個月餅呀，知唔知呀，上次我區果個議員輸咗，佢即刻送左4隻粽比我呀，今次如果佢地輸左一定會送仲多野，不如一齊投__號呀（本土派號碼）』
港島區
『6號個詹培忠做左咁多年，一定夠經驗啦』
『13號個司馬文都幾正，都係搵番個鬼佬入立法會睇住好D』
『緊係投10號王維基啦，個人幾務實呀，話唔定選到hktv mall會減價添呀』
（註：只限於如果你呀爸呀媽豬唔晒，唔會投D未聽過嘅人。我知王維基親建制，但比起禮義廉班人點都好少少）
九龍東
『工黨個2號好似幾為工人喎』
『3號好愛國架，佢成日去鬧班港獨架』
九龍西
『你有冇睇9號個林依麗串到遊蕙禎幾應』

『6號大陸朱好正，連黃毓民都比佢鬧到冇聲出』

新界東
『緊係17號李偲嫣BB啦，佢係正義聯盟個呀頭喎』
『11號候志強係鄉親，一定要撐！』
『工聯會個13號好似幾為工人喎』

新界西
『聽講自由黨個4號幾好』
『自由黨個4號都算係個幾公義嘅建制派喎』
（ALL IN 周永勤唔該）
『15號個馮檢基做左咁多年都ok呀』

超區
比鄺神本書你呀媽睇
（注：我，知道鄺神，係，乳鴿，但，超區真係，冇乜人可以，選，乳鴿點都，好過，呀鼎）
（再注：超區真係冇咩好明顯嘅垃圾筒建制派，我個人亦係梁耀忠同鄺神之間諗緊，其實兩個都支持全民退保令我唔係好想揀，但射落海等於投呀鼎OK?）

《投比邊個》

如果你未諗定點投票，我希望你會聽我意見

記住！「建制仆街、泛民含撚、全投本土」
民建聯、工聯會等等係賣港黨唔好投係人都知，但係一班「非建制派」中點解要投本土派？最簡單嘅道理，民主黨鳩做咗廿年都冇起色，咪比班新嘅試下囉，反正再差都差唔過而家啦係唔係呀哈姆太郎

青政vs熱普城？
賤咀一句，「屌你大是大非前濕碎野遲D先理啦」，大方向一樣咪各自努力囉！成日互屌冇好處。係，兩邊都有野做得唔好，兩邊都有柒人，我支持青政都覺得佢係好多野上面做得不足，但我相信佢地嘅誠意。好多人話青政係鬼，話熱普城係鬼，對我嚟講只要未做D賣港野我都先唔當佢係鬼，政治太黑暗，你唔信人只會一步都行唔到，就算行左出去點知『哇屌你原來真係撞鬼』，我都唔後悔。

我支持青政其中一個原因係入面有我以前認識嘅人，信心大D；二來佢地一直以來嘅表現令我相信佢係一個以港人為本嘅組織；三來梁天琦信佢地，我信梁天琦。但即使我支持青政唔等於反熱普城，雙方互屌只會令遊離票覺得你兩個係度做乜9，結果走晒去建制派。 #我見過 #我真係見過

以下係我嘅投票建議，我知入面有D名可能有人會覺得「左膠嚟喎」「又話泛民含撚」但係希望大家明白，射落海同投建制冇分別。