最近我都好忙。啊唷，千萬唔好誤會。我唔係忙住寫文讀書。我忙住去捉小精靈。因為pokemon go終於係加拿大app store上市。（香港app store應該未上市）
係屋企捉唔到ga，要一路行一路捉先捉得多。順便經過d stop，攞小精靈球。（d pokestop其實係一啲石像呀，石碑，大樓等）因為，他媽的，我每次都要扔幾次精靈球先捉到d小精靈。無辦法啦，新手上路中。
咁呢，我為左捉小精靈。我就係街度行黎行去。然後又比蜜蜂追，跟住又走去d奇怪地方。但個網絡又唔爭氣，成日都loading，又成日都無GPS訊號。
而且，我一路行，一路見到好多人都攞住個手機玩pokemon go。又見到好多人停係d shop附近攞精靈球。果刻我真心笑左。
咁有d人又話，呢個app唔好呀，又點點點，又數一大堆壞處。一個硬幣有兩面，有好有壞啦。
壞處：
小朋友唔理安全，走上馬路捉小精靈
個app攞個人資訊，eg.去過的地方，相機等…
有d亦話，有d 金魚佬會用呢個app黎誘拐小孩呀
咁呢d，你可以上網睇，有一大堆影片都係講壞處。咁我想講下好處。
呢個app開創左VR game嘅另一條新方向。雖說之前有另一個類似嘅遊戲叫ingress，不過我相信pokemon go令VR更普及化。相信呢類遊戲將來會陸續增加。其實呢個係一件好事，至少apps唔洗再成日轉珠或者打怪。
另外，pokemon go的確會改變人嘅習慣。不過就要睇你自己嘅造化黎決定，到底呢個改變係好定壞。剛才已經講過，出街捉先捉得多，係屋企捉…等到聽朝先捉得果幾隻。一路行，都算係做下運動，唔洗宅係屋企。我因為咁，而去左好多平時經過，但無入過去嘅地方。我先發現，原來自己平時忽略左咁多野。
但係，有d人為左捉小精靈，半夜三更駕車出去捉，咁就未免太過火啦。有d人甚至將車停埋一邊捉。更離譜係，有d人一路駕車一路捉…拜託咁樣真係好危險。
總之，所有野適可而止，唔好太過火。
仲有，唔好為左捉小精靈，半夜三更出街捉…好危險的說。
PS. 話說，寫完呢篇文章之後，我食完晚飯，就落街散步。你絕對估得無錯，我去散步當然去捉小精靈。咁呢，我一路行，就見到行人路上有好多人係度閒逛…因為佢地都係為左捉小精靈（平時八九點，學校一個人都無）
張相就係果陣影的，佢地個個都坐係度捉小精靈
