喺我地生活當中,充斥住無數選擇,但係選擇到底係好事定壞事呢?

可能好多人會話有得㨂緊係好過冇得㨂啦,但係又有幾多人自己㨂完之後,係冇後悔過呢? 英國脫歐?

我就係 一個經常性選擇完之後會後悔嘅人,唔知係我眼光獨到,定係運氣奇差呢,每次我都會㨂錯選擇。

由讀書㨂科,㨂完理科之後先發覺,原來全英文教學自己根本就應付唔到,去買生果一定係㨂錯,通常唔係爛嘅就係完全唔熟,根本都食唔到。

到大過買嚫車都係有問題嘅,明明買果陣好地地,但係到落我手就可能一頭半個月就極速收皮,到買股票亦都係一樣,睇見其他人好似是但買就有錢贏咁,但係永遠到自己買果陣,無論做幾多嘅分析,最後都一定係輸錢嘅。

所以我開始覺得,做人係咪唔應該選擇咁多呢?因為無論你點㨂,最後都可能係 一個錯誤嘅選擇。