(公司新離嘅70後打工皇帝。)
唔知大家嘅工作環境入面，會唔會間中出現一啲打工皇呢?
指嘅唔係年新千萬果啲喎，係返到離依樣又話唔識做，
果樣又話唔想當正自己係皇帝嘅人呀!!!!
唔知大家會用啲咩方法...或者手段去對付佢地呢?
近日同一位80後朋友c傾開計，c話近排公司離左個麻煩70後難於應付喎。
以下係我地嘅對話內容。
我:「最近咩景況呀?」
c君:「...唉...做野仲ok嘅，但係個新伙計就麻q煩囉。」
我:「點麻煩法呀?」
c君:「...好多野講...好多牢騷。」
我:「...咪當佢唱歌囉。」
c君:「…講就咁講姐，但係真架好難頂囉。」
我:「...例如呢?」
c君:「...你都知我份工做左十幾年，本身都唔算辛苦，間中都有得蛇王架啦。但係新離果個70後...真係唔知佢諗咩架囉，叫佢做多兩單野就牙痛咁聲，又依樣又果樣咁，有時啲文員想同佢協調吓工作上嘅野或者問佢幾時搞掂之類，佢就一定起哂鋼咁用說話單打人，...又唔答人...或者xyz人又話人吹佢咁。...大佬，人地想知大約幾時搞掂姐...你咪答個大約時間比人囉...又唔答或者答果啲(有排喎...等吓啦)...果啲答案...。」
我:「咁都得...冇人話佢架咩?」
c君:「...有...我囉。」
我:「...咁咪得囉...你係佢阿頭離架嗎。」
c君:「...唉...我只係一個偽主管離架咋，冇名冇份，好聽啲講就阿頭，講得難聽啲就係大家咁高咁大嘅(老屎忽)。」
我:「…咁你地個阿頭呢?」
c君:「...er...嚴格離講我地個頂頭上司唔係同我地做同一樣野嘅。」
我:「...即係點?」
c君:「...點講呢...即係好似救護員咁呀...，under消防處長，但係消防處長識鬼救護啲野咩...，有功就消防威...救護員就比人當司機咁洗...。個比喻大約咁上下啦，加上阿頭都上左神檯...基本上唔煩到佢就咩都唔理，有咩就隊哂比我安排，本來啲伙計聽話就冇野嘅，但係遇著個單身貴族...又冇家庭負擔，住公屋又冇住屋問題可以話唔憂做咁，仲有時會走離同我講(...吖...咁辛苦真係唔想做呀)大佬出埋份糧比你返離坐好唔好呀，講真而家有四分一時間都係坐咁濟架啦。」
我:「...咁佢咪無敵?」
c君:「...幾架...。」
我:「...咁佢做野點先?」
c君:「...幾快手嘅...但係經常出錯，有時自把自為...叫佢做東先佢就做西先，做完西文員話有野想改佢就鬧人地煩q麻，做錯野永遠都覺得係人地錯，話人唔提佢呀...又唔知人地一早喺whatapp度提左你，自己唔睇仲夠膽大大聲講，一副事不關己嘅表情咁，叫佢搞返掂佢又西哂口面...都唔知佢想點，仲要平均兩個星期就請假一次，仲試過兩次冇請假就失左蹤添，最慘係除左佢仲有另一個新人睇住，佢就好似癌細胞咁，態度開始影響緊果個本來好正面好勤奮嘅新人，人地做得快又叫人唔洗同啲文員急...，係咁用佢自己果套思想影響人。」
c君:「...你知啦...我都做左十幾年啦，求個安定姐...最緊要唔好搞到啲老細...，佢就係都要搞啲麻煩野出離，依家又唔係辛苦...成日有得蛇王，放銀行假...五天工作...鍾意放假就放假又有雙糧咁...佢到底仲想點姐。」
我:「...有冇同佢傾過呀?」
c君:「...緊係有啦...我都好聲好氣當傾計咁同佢講...話...啲文員投訴佢態度差呀...。但係條友一聽到就起哂鋼咁，又講果啲(我大聲唔代表我冇禮貌呀...我嘅表達方式係咁架喎)...總之就人地錯啦。
有時我又會同佢講...話以前我點點點...多野做...點辛苦呀...依家好好多架啦...又有得蛇王咁，點知我講完佢一句得埋離話(...唔好同我講以前啦阿c....，你以前點關我咩事姐。)...佢講到咁我真係唔識答佢...可能我真係奴性太重啦吓...有時我都真係會諗吓係咪真係我有問題。」
我:「...叫你阿頭炒左佢得唔得呀?」
c君:「...得...最慘請個人幾個月都冇人離見工呢，我地個post周圍都等人用，我地公司開個價又低過人喎，炒左佢咪我要做埋佢果份囉...。」
後話:
聽完我朋友講完之後，我發覺世界真係變左啦，咩人都有...唔憂做咁，(炒我牙...炒囉...又餓唔死嘅)...(我都唔係咁鍾鐘份工都想唔做架啦)，點解佢地咁唔鍾意份工，但係又唔走又喺度一邊鬧一邊做呢，到底佢地想要啲咩?
