我呀妹話，佢既人生係炸雞人生。

辛苦讀書返工，冇非想做完野後大啖大啖咬炸雞，再黎杯涼快既啤酒梳乎下。

努力堅持做運動，冇非想keep fit同埋保持身體健康，令自己有quota繼續食炸雞。

搵男朋友搵老公，冇非想搵個人陪你一齊摺係屋企，一邊嘆炸雞一邊煲劇。

草錢去旅行，冇非想食異國既地道炸雞，韓國炸雞，台灣炸雞扒，美式炸雞等。

用fb同ig，冇非想post下自己啲炸雞相引下大家，同埋j下人地啲炸雞相。

冇錯，一生就係為炸雞而活。

上樓買車未必做到，靚仔靚女唔易做，荀盤冇你份，冇錢環遊世界，冇幾千個follower。不過，可以食件外皮脆卜卜，裡面勁juicy勁嫩滑既炸雞，感覺已經好正好滿足。

唔一定係炸雞，你可以有譚仔人生，甜品人生，電影人生，貓奴人生，派膠人生，師奶仔人生，you name it. 其實做人簡簡單單，做下自己鐘意既野，用心欣賞每個生活小片段，就好足夠啦！